DERVİŞ ABDULLAH N...
@Dervisabdullah
* Gayrı mevsim hazan, duygu hüzün...
** Şimdilik sadece Divan Edebiyatı
Şu anda okuduğu kitap
VAKT-İ SEHERDİR
Ey mü’min olan yatma uyan vakt-i seherdir
Ârâyiş-i gülzâr-ı cihân vakt-i seherdir
Bu fırsatı fevt etme yazıkdır sana eyvâh
Nûr oldu bütün kevn ü mekân vakt-i seherdir
Göklerde icâbet kapısın açdı melekler
Feyz olmadadır lem‘a-feşân vakt-i seherdir
Kalk ağlayarak bağla elin iste murâdın
Gafletle yeter yatdın utan vakt-i seherdir
Halk-ı etdi bizi Hâlik’imiz yatmak içün mi
Bil kulluğu gel yatma amân vakt-i seherdir
Fikr et bizi halk etdi niçün hazret-i Allah
Kıl zikr-i Hudâ ey dil ü cân vakt-i seherdir
Uyku seni mahrûm ediyor feyzden eyvâh
Keşf olmadadır feyz-i nihân vakt-i seherdir
Bu yerleri bu gökleri halk eyleyen Allâh
Eyler niçe esrârı ‘ayân vakt-i seherdir
Feyz ister isen sen de seher-hîz ol Emîrî
Kıl derdini Allâh’a beyân vakt-i seherdir
Reklam
Zalim adâletle davransa sıkılır. Zülümden lezzet alır
Zâlim sıkılır eylese icrâ-yı ‘adâlet
Zulm ü sitem icrâdan eder kesb-i telezzüz
Hayr ü bereket kalmadı bâzâr-ı cihânda
Aldatmadadır birbirini bâyi‘ ü âhiz
Bütün çekişmelerin kaynağı Yeme - İçme
Dikkat etdim ekl imiş her ihtilafın menşe’i
Çıkdı cennetden bile Âdem’le Ḥavva nâ-murâd
Her nefesde mevte bir hatve olur âdem karîb
Sâkin olsak da yine olmakdadır ten reh-neverd