DERVİŞ ABDULLAH N...

...... TERK ET

Heves-i kevn ü mekânı terk et Kayd-ı âlâm-ı cihânı terk et ‘Ömrü sarf eyleme keyf ü hevese Kahve vü hamr u duhânı terk et Eyle temkîne fedâ sahbâyı Hürmet-i pîr-i mugânı terk et ‘Âşık ol hüsn-i bekâ-yı nâma ‘Aşk u sevdâ-yı civânı terk et Deme ma‘nâ-yı hakîkatdir bu Vasf-ı hûbân-ı zamânı terk et Devlete hıdmet ise maksûdun Rüşveti gadri yalanı terk et Kendi mâhiyyetin alçak görünür Halka elfâz-ı girânı terk et İnfisâl etdin ise ölmedin a Böyle fart-ı halecânı terk et İstikâmetden Emîrī dönme Onu terk etme cihânı terk et

Ters Köşe Final Sevenler Buraya!

bkmkitapcom

@bkmkitap·Reklam

Bazı hikâyeler tam tahmin ettiğin gibi ilerler. Bazılarıysa son sayfada tüm bildiklerini sorgulatır. 🤯 Ters köşeleri seviyorsan, seni sonuna kadar merakta bırakacak 3 kitap önerisini keşfetmeye hazır ol!

DERVİŞ ABDULLAH N...

DELİDİR EHL-İ HIRS U RÜŞVET ŞEYTÂN KADAR AKLI OLSA DA

Döner mi eğrilikden ehl-i şirret Yılan eyler mi kesb-i istikâmet Yine ehl-i hamiyyet münferiddir Olur dünyâda envâ‘-ı rezalet Cihân leb-rîz-i şûriş olsa farzâ Yine merğûb olur ehl-i fazîlet Niçe gencîneler etdim taharrî Yazık ki bulmadım [birinde] ‘ismet Fakat olmaz ona her kelle şâyân Eğerçi tâc-ı rahşândır hamiyyet Eğer şeytân kadar da ‘aklı olsa Yine mecnûndur ehl-i hırs u rüşvet Emîrî müstakîm olmazsa her kim Demem vallâhi ben ehl-i dirâyet

DERVİŞ ABDULLAH N...

NEDİR BU GAFLET ?

Bakıp eslâfa almaz kimse ‘ibret Nedir ya Rab nedir bizde bu gaflet Çalış ‘âcizlere ibzâl-i hayra Cihânda etme kendin şerre alet Cihânda kimse olmaz şimdi tâlib Mezâda çıksa yâkût-ı kanâ‘at Çalış dîn ü vatan uğrunda cândan Bırak bu gafleti ey bî-hamiyyet Bütün leb-rîz-i kudretdir ‘avâlim Zemîn ü âsumâna eyle dikkat Eder kevneyni gark-ı ab-ı ihsân Telatum-hîz olursa bahr-i rahmet Hudâ’ya istinâd et her işinde Emîrî eyleme terk-i sadakat

Takip Önerileri

DERVİŞ ABDULLAH N...

......... GÖZET

Serveti mahv ü perîşân olan insânı gözet Bâb-ı firdevse çıkan bir reh-i âsanı gözet Selsebîl-i keremin eyleme hem-reng-i serâb Sâkîyâ vâdî-i hecrindeki atşânı gözet Mahva her şey’i bir âlet buluyor tab‘-ı beşer Lokma-i mâ’ideye sadme-i dendânı gözet Etme yâ hâne-i târîkine mihmânı kabûl Yâ kabûl eyler isen hâyır-ı mihmânı gözet Âdem oldur ki Emîrî ola ehl-i ‘irfân Kesb-i ‘irfâna çalış sendeki noksânı gözet

DERVİŞ ABDULLAH N...

......... GİT

Ya gönül mescide ‘azm eyle ya mey-hâneye git Niçe bir râh-ı tereddüd yürü bir hâneye git Kadrini bilmek içün ‘âlem-i hüş-yârînin Ba‘z-ı kerre taleb-i sohbet-i mestâneye git Eyleme sarf-ı heves yapmağa şeddâdî binâ Eseri bâkî olan bir iki vîrâneye git Onda gör taşrada kibr eyleyen ehl-i câhı Hele bir kerre der-i şevket-i şâhâneye git Zevk-i cennet sana dünyâda olur keşf ü ‘ayân Ey Emîrî harem-i vuslat-ı cânâneye git