DERVİŞ ABDULLAH N...
@Dervisabdullah
* Gayrı mevsim hazan, duygu hüzün...
** Şimdilik sadece Divan Edebiyatı
Şu anda okuduğu kitap
Ol perî-rû kim bu ben dîvânesini ŧaşlar
Tâc idüp başına 'izzetle götürür başlar
Reklam
DÜNYÂ TAMA' DÜNYASIDIR
1 Kâni' olmaz bûsene dil vaslınun şeydâsıdur
Dostum ma'źûr tut dünyâ tama' dünyâsıdur
2 Râh-ı 'aşkunda görenler mâcerâ-yı derdümi
Gözlerüm yaşına didi 'âlemün deryâsıdur
3 'Ârızıdur eyleyen şermende bâğun güllerin
'Ar'arı hayretde koyan kâmet-i bâlâsıdur
4 Hâr-ı gamda inledür 'âşıkların bülbül gibi
Nâz iderse yaraşur şehrün gül-i ra'nâsıdur
5 Sînesine lâle gibi dâğ uran 'âşıklarun
Hâl-i pür-sevdâsı ile nergis-i şehlâsıdur
6 El uzatmaz ni'metine kimsenün misl-i meges
Sebzîyâ her kim kanâ'at Kâf’ınun 'ankâsıdur
Çeşmün olalı 'âşıka 'ayn-ı 'azâblar
Bir lâhza eksük olmadı hışm u 'itâblar
..... VAR
1 Kimün kim zînet ile şöhreti var
Gice gündüz başında âfeti var
2 Sen âhû-çeşme uyup seg rakîbün
Uludı şimdi haylî şöhreti var
3 Felek bâmına saçsun cür'asını
Kimün kim dilber ile sohbeti var
4 Kul olmış cümle ħûbânı cihânun
O şâhun bir 'acâyib şevketi var
5 Sana mahrem olaldan Sebzî ey cân
Harîm-i 'âlem içre hürmeti var
1 Dilün serv ile gâyet ülfeti var
Ki yârun kâmetine nisbeti var
2 Gönül maksûdı kaddün olduğı-çün
İşiden dir ne 'âlî-himmeti var
3 Dilâverler dimezler merd-i meydân
Anun kim zen gibi pür-zîneti var
4 Tutupdur zerre-veş âfâkı 'uşşâk
O mâhun gün gibi hoş şöhreti var
5 İmâm-ı 'aşka uysun söyle Sebzî
Kaşun mihrâbına çün niyyeti var
Reklam