DERVİŞ ABDULLAH N...
@Dervisabdullah
* Gayrı mevsim hazan, duygu hüzün...
** Şimdilik sadece Divan Edebiyatı
Şu anda okuduğu kitap
Okurlar kıssa-hˇânlar kıssa-ı Leylî vü Mecnûn’ı
Meğer ben 'âşık ile ol saçı leylâyı bilmezler
Hangi tür kitapları seviyorsun?
🔎 Polisiye
💕 Romantik
🚀 Bilim Kurgu
🏰 Fantastik
📖 Klasik
🧠 Kişisel Gelişim
🏛️ Tarih
😱 Gerilim
..... DİSÜNLER
1 Cân virdiğümi derd ile cânâne disünler
Öldi reh-i 'âşkunda şu dîvâne disünler
2 Görüp bu 'arûs-ı feleğün zîver ü zeynin
Meyl eylemeyen merdüme merdâne disünler
3 İçmek dilese kanını 'uşşâkun o hûn-hˇâr
Kanmaz mı dahı hûnî gözün kana disünler
4 Sorarsa bahâ bûse-i la'line o cânân
V’allâhi değer her biri bîn câna disünler
5 Bir cür’a ile anmasa 'âşıkları sâkî
Böyledir mi olur ey gözi mestâne disünler
6 Şeydâ dili zencîr-i ser-i zülfine çeksün
Ola ki bu dîvâneyi uslana disünler
7 Her kişi görüp kesb-i Sarâfet ide Sebzî
Şi'ri diyicek böylece rindâne disünler
......... GEÇER
1 Mest olup salını salını kaçan cânân geçer
Vâlih ü hayrân olur dil kendüzinden cân geçer
2 Beklesem geçmez nice yıllar yolında cevr ider
Bir dem içre gâ’ib olsam göresin ol ân geçer
3 Vasl-ı yâra şâd olup hicrânına olma melûl
Bâkî kalmaz ey gönül çün vasl ile hicrân geçer
4 Hil'at-ı fâhir geyüp ey hˇâce fahr itme bize
Her kişi dünyâya çün 'uryân gelür 'uryân geçer
5 Fitnesinden kurtulam dirsen görinme zâhidâ
Şimdi nâz ile gelüp ol gözleri fettân geçer
6 Râh-ı kûyunda seni seyr itseler incinme kim
Her kişi eyler temâşâ her kaçan sultân geçer
7 Devr-i hüsni geçmedin sürsün safâsın dilberün
Dem bu demdür bâkî kalmaz Sebzîyâ devrân geçer
....... GÖSTERÜR
1 Güldügince la'l-i dilber dürr ü gevher gösterür
'Ârızın arz itdüğince verd ü ahmer gösterür
2 Kurtaram mı gözlerinden cânumı cânânenün
Dem-be-dem kan dökmeğe müjgânı hançer gösterür
3 Rûy-ı zerdünle yüri 'arz itme eşk-i çeşmüni
Dilber ana meyl ider kim sîm ile zer gösterür
4 Nice şîrîn yâr olur ol dilber-i ma'cûn-fürûş
Leblerinden 'âşık-ı hayrâna sükker gösterür
5 Sebzî’yi gülşende cânânsuz göricek sebzeler
Dil uzadup kanını dökmege neşter gösterür
..... BENDEN İNCİNİR
1 Dâda varsam ol şeh-i bî-dâd benden incinür
Kıl disem virânemi âbâd benden incinür
2 Halk-ı 'âlem uykusı nâlemden uçup her gice
Meskeninde bende vü âzâd benden incinür
3 Kûh-ı derdi şöyle kazdım tîşe-i 'âşk ile kim
Yatduğı yirde dahı Ferhâd benden incinür
4 Gülsitân-ı kûyı içre ol yüzi gül gonca-leb
Eylesem bülbül gibi feryâd benden incinür
5 Reşk odı ile yakar külli tenini Sebzîyâ
Bir gazel didüm gören üstâd benden bilür