DERVİŞ ABDULLAH N...
@Dervisabdullah
* Gayrı mevsim hazan, duygu hüzün...
** Şimdilik sadece Divan Edebiyatı
Şu anda okuduğu kitap
AŞKINLA ŞÖHRET BULAYIM
1 Görinmez nice gün oldı ol âfet
Helâk itdi beni bu derd ü hasret
2 Ten-i mürde hayât-ı tâze bulsun
Götür toprakdan iriş â kıyâmet
3 Görüp zeyn ü zer-i dünyâyı bakmaz
Gerekdür er olan kişide 'ibret
4 Ruhun nakşına olmadı müşâbih
Nice kez yazdı çizdi Mânî sûret
5 Başumda hâk-i pâyün oldı tâcum
Olur mı bundan özge bana 'izzet
6 Kapundan itme ırağ eşk-i çeşmüm
Bulur çarh-ı felek encümle zînet
7 N’ola gün gibi meşhûr olsa iy mâh
Tutupdur 'âşkun ile Sebzî şöhret
Reklam
Sebzî’ye hışm eyleyüp sürdün kapundan bilmezin
Evvelâ lutf eyleyüp cânâ ne itdün 'âkıbet
Ey felek irgürmedün bir genc-i hüsnün vaslına
Hecr ile gam-hânemi vîrâne itdün 'âkıbet
Döne döne cân u dil yaksam n’ola ben 'âşıkı
Şem'-i bezm-i hüsnüne pervâne itdün 'âkıbet
Âşinâyı terk idüben yâr olup bî-gâneye
Sabr u 'akl u hûşdan bî-gâne itdün 'âkıbet
Reklam