Ağ diş artıq o vaxt gülüşün nə olduğunu anlayırdı. Ona görə də insanların gülüş hədəfinə çevrildiyinə görə çox utandı. Üzünü çevirib qaçdı. O, yanıq ağrısından deyil, hər an ruhuna işləyən, qəlbinə köz basan qəhqəhələrdən qaçırdı...
Boz ənik başına gələnlərdən belə bir nəticə çıxardı ki, bəzi şeylər ilk baxışdan göründüyü kimi olmaya bilər. Canavar balasının naməlumluqdan qorxması anadangəlmə xüsusiyyət idi və bu qorxu təcrübə ilə daha da güclənirdi. Bundan sonra şeylərin zahiri görünüşünə bir az da şübhə və inamsızlıqla yanaşacaqdı. Bir şeyə inanmazdan əvvəl onun gerçək mahiyyətini anlamalı olacaqdı.