Bu tük məsciddən yoxa çıxandan 2 evdə oldu və bu evlərin ikisinə də ölüm və bədbəxtlik gətirdi . Bəs bu tük məsciddə , öz guşəsində olarkən ibadət edənlərinə nə dərəcədə kömək edir ? Müqəddəs olan peyğəmbərin tükü ,çarığı , əsası , geyimidir mi ? Ya saf inam , gözəl hisslər , təmiz ,incə hərəkətlər mi ?
Elxan Elatlı yaradıcılığından ilk kitabım idi . Bu kitaba qədər bizdə dedektiv yaza biləcək kimsələr ilduğunu düşünmürdüm əslində . Amma bu kitab mənim mühakimələrimi yıxmağı bacardı . Kitabda cinayətkarı tapmaq mümkünsüz oldu mənimçün . Məsələn Aqatta Kristi əsərlərində cinayətkarı tapmaq asan olur . Amma bu kitabda hər kəsdən şübhələnib, heç kəsdən şübhə edə bilməyəcəyiniz bir dilemmanın ortasında qalırsınız sanki . Əsərdə qadınlar , siyasət , sevgisizlik və qayğısızlıq xüsusi işlənib desəm yanılmaram . Ailədən , ətrafından sevgi ala bilməyən , təcavüzlər və qurbanı olan və buna məcbur olub boyun əyən qadınlar diqqətinizi çəkəcək . Əsərdə hər şey ən incə ayrıntısına qədər işlənib . Və heç bir detal açıqda qalmır , müəllif hər şeyi ətraflı izzah edir . Artıq söhbətlər , yorucu ifadələr yoxdur. Oxumanızı tövsiyyə edirəm . Təşəkkürlər