Sən haçan bütün qəlbinlə nəsə arzulasan, Dünyanın Ruhuna daxil olursan. Və bu təkcə insanlarla xas deyil- dünyada mövcud olan hər şeyin- daşların, bitkilərin, heyvanların, hətta idrakın da ruhu vardır.
Müəmmalardan qorxmaq lazım deyil, çünki hər kəs istədiyini, ehtiyacı olduğunu əldə edə bilər. Biz hamımız əldə etdiklərimizi itirməyə qorxuruq- fərqi yoxdur, bunlar əkib-biçdiklərimiz, yaxud həyatımızın özü olsun. Amma həm öz tarixçəmizin, həm dünya tarixinin bir əldən yazıldığını anlasaq, bu qorxu keçib gedər.
Santyaqo birdən anladı ki, dünyaya fırıldaqçının yazıq qurban kimi, yaxud macəra və xəzinə axtarışına çıxmış cəsur kimi də baxa bilər.
Zira bizim dünyamızda bir böyük həqiqət var: Sən kim olursan ol, nə istəyirsən istə, əgər nəyisə bərk istəyirsənsə mütləq əldə edəcəksən. Çünki bu arzu Kainatın Ruhunda doğulmuşdur. Dünyanın Ruhu insanın xoşbəxtliyi, həmçinin kədəri, paxıllığı, qısqanclığı ilə qidalanır. İnsanın yeganə borcu var: Öz yolu ilə getmək. Hər şey bundadır və xatırla ki, nə vaxtsa nəsə istəsən, bütün Kainat sənin arzunun həyata keçməsinə kömək edəcək.
Amma heç kim öz şəxsi həyatını nədənsə nizama sala bilmir- qaraçı qarı kimi: yuxuları yozmağı bacarır, amma onları həyata keçirə bilmir.