Fatimə
@Fatima_drop
40 alimə bir dəlil bəs edər, bir cahilə 40 dəlil bəs etməz...
Qadın da özünün qadın həyatının keşməkeşlərində böhran və təlatümlərlə qarşılaşır. İstər evdən bayırda müxtəlif siyasi, ictimai və digər fəaliyyətlərlə və işlərlə məşğul olsun, yaxud evin daxilində - bunun zəhməti və əhəmiyyəti bayırda işləməkdən az deyil - işlə məşğul olsun. Qadın bu işlərdə bəzi iztirablara düçar olur. Onun ruhu daha zərif olduğundan aramlığa, dincliyə və etimadlı bir şəxsə arxalanmağa daha çox ehtiyacı olur. O kimdir? O ərdir.
İnsan maşın deyil. İnsan ruhdur, mənəviyyatdır, emosiya və duyğulardır. O indi aramlıq istəyir. Bu aramlıq haradadır? Ailə mühitindədir.
Reklam
İnsan məcburi rəftarlardan irəli gələn həyat təlatümlərində sığınmaq üçün bir imkan axtarır. Əgər bir cütlük olsalar, bu təlatümlərdə bir-birinə sığınırlar;
qadın ərinə sığınır, kişi də həyat yoldaşına. Kişi özünün kişilik həyatının keşməkeşlərində bir aramlıq anına ehtiyaclıdır ki, yolunu davam etdirə bilsin. O aramlıq anı nə zamandır? Özünün məhəbbət və sevgi dolu ailə mühitində olduğu zaman; ona eşq bəsləyən, onunla olan, onun yanında olan, onunla birlik hiss edən həyat yoldaşı ilə. Öz həyat yoldaşı ilə qarşılaşdığı an sözügedən aramlıq və dinclik anıdır.
Ər və arvad gündəlik işin sonunda, yaxud ortasında bir-birinə qovuşduqda, bir-birini gördükdə hər ikisi bir-birindən mühiti şad, gümrah, yaşamağa və yorğunluğu çıxarmağa qadir etməsini gözləyir. Bu, yerli bir gözləntidir. Əgər bu işi görə bilsəniz, həyat şirin olar.
Ailə olmasa, yeniyetmə yoxdur, uşaq yoxdur, insan yoxdur, saleh kişi və qadın yoxdur, əxlaq yoxdur, keçmiş nəslin müsbət, yaxşı və dəyərli təcrübələrinin sonrakı nəslə köçürülməsi yoxdur.
Ailə olmadıqda iman və dinə etiqad istehsalının mərkəzi də yoxdur.
Ailənin zəif və köksüz olduğu, yaxud ümumiyyətlə qurulmadığı, yaxud az qurulduğu və əgər qurulursa da, zəif olduğu və məhv olmaq təhlükəsi qarşısında qaldığı cəmiyyətlərdə psixoloji və sinir problemləri ailələrin bərpa olunduğu, kişi və qadının bir nöqtədə və ocaqda birləşdiyi cəmiyyətlərdən olduqca çoxdur.
Əgər bir cəmiyyətdə ailə möhkəm olsa, ər və arvad bir-birinin hüququna riayət etsələr, bir-biri ilə gözəl əxlaqla keçinsələr, qarşılıqlı həmkarlıqla problemləri aradan qaldırsalar və övladları tərbiyə etsələr, belə ailələrə malik olan cəmiyyət yaxşı cəmiyyət olub qurtuluşa nail olacaq. Əgər cəmiyyətdə islahatçı olsa, belə cəmiyyətləri islah edə bilər. Əgər ailə olmasa, ən böyük islahatçılar da gəlsələr, cəmiyyəti islah edə bilməzlər.
Ailə təməlinin möhkəm olduğu hər hansı bir ölkənin çoxlu problemləri, xüsusən də əxlaqi və mənəvi problemləri sağlam və möhkəm ailənin sayəsində aradan qalxacaq, yaxud ümumiyyətlə yaranmayacaq.