Gülay Ehmedli
@Gulay_Ehmdl
Kûn fe yekûn
Bakı
28 Haziran
145 okur puanı
Mart 2023 tarihinde katıldı
Şu anda okuduğu kitap
Puan vermedi·208 syf.··
Beğendi
·2025 1. kitabı
·537 günde okudu
·Okunma: 20 Kasım 2025 15:40
Hər kəsə salam. Uzun müddət sonra yenidən buradayam. Kürk mantolu Madonna əsərini uzun müddət öncə oxuyub bitirməyimə baxmayaraq burada qeyd etməmişdim. İstədim alıntıları və fikirlərimi qeyd edim.
Gələk kitab haqqında düşüncələrimə..
Kürk Mantolu Madonna mənim üçün bir hekayədən daha çox, insanın içində gizlətdiyi sevgi ehtiyacının, utancaqlığın, təkliyin və gecikmiş cəsarətin hekyəsidir deyərdim. Kitabı oxuyanda elə hiss etdim ki, Raif ilə birlikdə mən də illərin içində, içinə çəkilən bir ruhun qapılarını açıb keçmişinə girirəm.
Raif mənə göstərdi ki, insanın xarici görkəmi heç vaxt onun içindəki duyğu dərinliyinin göstəricisi deyil. Hər kəs üçün adi, cansız, səsiz bir adam kimi görünür, amma içində elə bir dünya var ki, heç kim görmür. Mənə görə Raifin ən böyük çatışmayan cəhəti sevməsi yox, sevgisini qorumağa gücünün çatmamasıdır.
Maria Puder mənim gözümə həm güclü, həm də tək qalmaqdan yorulmuş bir qadın kimi görünür. Onun sərtliyi əslində müdafiə mexanizmidir, çünki əvvəlki həyatında çox yaralanıb. Raifə yaxınlaşdıqca öz gücündən, sərtliyindən uzaqlaşır. Zatən bir qadın yalnız güvəndiyi kişiyə qarşı təslim olur.
Raiflə Maria arasındakı sevgi tamam başqadır. İnsan həyatda çox sevgilər görə bilər, amma onun ruhunu anlayan biri nadir tapılar.
Çoox sevdiyim bir cümlə var. "Həyatda bəzi insanlar gec tapılar, tez itirilər".
Məni ən çox yandıran hiss Raifin itirdikdən sonra ömür boyu içində daşıdığı peşmanlıq oldu. Peşmanlıq ondan ibarət deyildi ki, sevgi bitdi, yox. Əksinə peşmanlıq ondan ibarət idi ki, “Kaş ki daha cəsarətli olardım. Kaş ki qorxmasaydım. Kaş ki özümü bu qədər məhv etməsəydim.” Və bunu da bilirəm ki, bir insan yaşadığı müddətcə ən azı bir dəfə belə olsun kaş demişdir.
Həyat insanı ən çox gecikdiyi duyğulara görə cəzalandırır. Raifin ətrafındakı heç
Reklam
Hayvan Çiftliği kitabı mənə görə hər detalı mükəmməlliyətliliklə əks etdirib. Günümüzdə aşikar olduğumuz bəzi məsələlər var ki kitabda öz əksini tapıb. Əsər Siyasi prioriteti təcəssüm etdirir. Heyvanların obrazları yaxşısı ilə pisi ilə göstərilib. Öncədən hər kəsin riayət etməsi üçün qoyulan qanunlar, zaman - zaman dəyişdirilərək öz mənfəətlərinə uyğun imicə salınır.
Bu mənə qurbağa hekayəsini xatırlatdı. Qurbağanı bişirmək üçün qaynar suya atdığımız zaman o suyun istiliydən sıçrayıb kənara çıxacaq. Ancaq qurbağanı soyuq suyun içinə qoysaq, və suyun temperaturunu az - az artırsaq qurbağa nə olduğunu anlamayacaq və öləcək.
Kitabda da eyni məqsəd güdülür. Öncədən edilən eyləmlər yavaş, səssiz və heç kimin diqqətini çəkmədən edilir.
Küçük Prens əsərini bitirdiyim zaman çox fərqli duyğular hiss etdim. Əsər kiçik olsa belə verdiyi mesaj çox anlamlıdır. Bir uşağın gözündən böyüklərin dünyasından bəhs edilir. Məncə bir çox insanın dərs götürəcəyi əntiqə kitablardan biri olduğunu deyə bilərəm. Hər yetişkin fərd daha öncə uşaqdır zatən. Böyüdükcə yaşanmışlıqlar içimizdəki uşaqlıq hisslərimizi gizlədir. Ancaq elə an gəlir ki, uşaq ruhumuz, düşüncələrimiz ortaya çıxır. Hadisələrə hər kəsin baxış bucağı da fərqlidir.
Əslində əsərin adına daha öncədən aşina idim. Çox sevdiyim bir filmdə də bəhs olunmuşdu.
~ Beni affedeceğini biliyorum çünkü sen sevdiğini affetmeyi bilirsin. Seni dünyadan çok seviyorum. Hani birlikte okumuştuk Küçük Prens'i, ben sana orda ki tilkiyim diyince sen kızmıştın. Evet ben o tilkiyim. Beni sevginle evcilleştirdin. Ben kaçamaz oldum. Bana beklemeyi öğrettin, bana aşkın yolu yordamını öğrettin. Füsun, sen beni yeniden yarattın. ~
'Bir şans daha' kitabını aylar öncə oxumağıma baxmayaraq bəzi səbəblərdən qaynaqlı olaraq geri qalan alıntıları və incələməmi etmək bu günə qismət oldu.
"Bir şans daha"
Bu cümlə bir çoxumuzun dilində əlbətdə ki deyilib. Bir şansım olsa, yəni bizə verilən həyatı dəyişmək istəyi, arzusu...
Qulağa çox maraqlı səslənir. Ancaq kimsə bunun cəsarət tələb edən tərəflərini görmür. Bu şans bizə verilsə nələri istədiyimiz üçün nələrdən imtina edə bilərik. Bunları düşünmürük. Əslində xəyal qurmaq xoş duyğular ifadə edir. Çünki orda hər şey qaydasında və tam istədiyimiz kimi olur.
Bəzən arzuladığımız həyatda itirəcəklərimizi düşünmədən başqa bir həyat arzulayırıq. Kim bilə bilər ki, arzuladığı zamana geri dönüb, xəyalındakı həyatı yaşamaq üçün atdığı addımlar necə nəticə verəcək.
Bir anlıq düşündüyümüz zaman çox istədiyimiz bir iş, bir həyat, bir əşya belə nə qədər önəm daşıdığını dərk etmiş oluruq. Həyatın bizə o istədiklərimizi verməyərək bizi hansı bəlalardan, hansı arzuolunmaz hallardan xilas etdiyini anlamırıq, ya da anlamaq istəmirik. Sadəcə məhz o xəyala fokuslanırıq. Həmin o arzuladığımız xəyalın işığına pərvanə oluruq.
İkinci bir şansı istədiyimiz zaman hər şeyi doğrusu ilə yalnışı ilə qəbul etmək gərəkdir. Əgər buna cəsarətimiz çatırsa.
Bizə verilən həyat arzulamadığımız həyat ola bilər.
Ancaq yaşadığımız həyatda xoşbəxt olmaq bizim əlimizdədir. Arzuladığımız həyatı xəyal etdikdə yaşadığımız an ilə müqayisə edərək müsbət tərəflərini xəyal edirik. Bu çox asand görünür. Çünki sənə bir həyat verilib. O həyatda istəmədiyin anları silib, başqa cür xəyal edə bilirsən. Ən çətini isə heç yaşamadığın səni nəyin gözlədiyi, nə ilə qarşılaşa biləcəyin həyatı xəyal etməkdir. Keçmişə bağlı qalaraq indiki zamanını itirmiş olursan.
Keçmiş yox, əksinə var olduğun zaman yəni indiki zaman
Spoiler var.Həyat hekayəsi
"Bir ovuc torpaq" Varis Yolçuyev'in oxuduğum ilk əsəri oldu. Əsər iki fərqli həyatdan bəhs edir. Əsərin iki ayrı süjet xətti ilə ayrılıb, daha sonra sonluqla birləşməsi olduqca təsirlidir. Bir hissədə Qarabağ torpaqlarından didərgin düşmüş Tələt kişinin ailəsi, Tələt kişinin son nəfəsində işğal olunmuş torpaqlardan bir ovuc torpaq istəməsi və bunu nəvəsi Zaurun böyük məharətlə, qəhrəmanlıqla yerinə yetirməsi ilə, Digər hissədə isə qanun uğrunda qanundankənar mübarizə aparan baş obrazımız Zaur (Zz), Zaurun qardaşı Anar ilə evlənəcək olan Nigarın qaçırılması, Nigarın ögey qardaşının etdiyi iyrənc, ağılasığmaz oyunu ilə bağlıdır. Ən təəccübləndiyim məqam isə romandakı iki Zaur obrazının bir-biri ilə əlaqəsi oldu.
Əsəri oxuduqca açığı deyim hər iki hissəni əlaqələndirməyə çalışdıqca bu həyatların nə kimi oxşarlığı ola bilər deyə düşündüm. Bir- birindən fərqli görünən həyatları oxuduqca, bir hekayədən digərinə keçid var idi. Belə olduğu halda biraz sıxıldım. Çünki ilk oxuduğum hissənin davamını gözlədiyim halda digər hissəni oxumalı olurdum. Ancaq əsəri oxuduqca və sona yaxınlaşdıqca bu düşüncəmdən daşındım.
Əsəri olduqca bəyəndim. Əsərdən nəticə çıxarmağa gəldikdə isə yenə görürük ki, insana ən böyük zərbəni vuran məhz elə ən yaxını bildikləri olur. İstər doğma olsun istər ögey.
Bir ovuc torpağın üzərində neçə-neçə həyatlar var. Bu torpağın üzərində həyatı, torpağın dəyərini kimisi dərk edərək, kimisi isə dərk etməyərək addımlayır.
Kitab oxuyan insanlar kitablarda yazılan bir çox həyatlarla tanış olurlar. Ola bilməz dediklərimiz, mümkün ola bilməyəcəyini düşündüyümüz hadisələr var ki, bizlər sadəcə oxumaqla yetinirik. Sadəcə ruhən, qəlbən təsir altında qalırıq. Amma o həyatları yaşayan insanlar bu duyğuların qat-qat artığını yaşayır. Məhz "bir ovuc torpaq" romanı da
Reklam