Hira Ahmedova
@Hirayah
Adler psixologiyasına giriş üçün tövsiyyə olunan kitabdır. Dialoqlar əsasında yazıldığı üçün rahat oxunur, bütün terminlər bir-bir açıqlanır.
Digər tərəfdən sadəcə özünü tanımaq və inkişaf etdirmək istəyənlər tərəfindən də rahatlıqla oxuna bilər.
Her çiçeğin bir mevsimi, her kitabın bir zamanı vardır. Haziranın tadını yeni hikâyelerle çıkarın.
Kitabı oxuyarkən nə hissettiyimdən, sizi nələrin gözlədiyindən bəhs etmək istəyirəm.
Kitabın dili olduqca sadə və axıcı olduğu üçün hər əlimə alanda ən az 30 səhifə oxuyurdum. Baş qəhrəmanımız Nora fəlsəfəylə yaxın olduğu üçün bir çox filosofdan alıntılar var idi amma bu kitabın dilini çətinləşdirmir sadəcə əlavə dad qatırdı deyə bilərəm, xüsusilə də fəlsəfəyə marağınız varsa.
Kitab bir çox şeyi bir daha xatırlatdı mənə, hansı ki, bir neçəsini qeyd etmək istəyirəm.
1. Yaşamın verdiyi fürsətlər. Həyat sonsuz sayda alternativ seçim və fürsətlər sunur bizə. Etməli olduğumuz şey bunları görə bilməkdir.
︎ 2. Kiçik qərarlar belə gələcək həyatımızı böyük ölçüdə dəyişmə gücünə sahibdir. İstifadə etdiyimiz kiçik bir söz belə fərqli təsirlər yarada bilər. Kiçikdir deyə diqqətdən qaçırmamalı.
︎ 3. Peşman olduğumuzu düşündüyümüz, kaş ki dediyimiz, belə olsa daha yaxşı olardı dediyimiz bir çox şeyi dərindən düşünəndə davamlı peşmanlıq hissinin verdiyi ağırlığın əsas hadisəylə bağlı hiss etdiyimiz gerçək peşmanlıqdan qat-qat artıq olduğunu görürük. Bizi əsl incidən də elə bu davamlı peşmanlıq hissidir çox vaxt, real olmasa belə.
︎ 4. Mükəmməl həyat yoxdur. Bizə ən uyğun olan mükəmməl olan deyil, sadəcə 'bizim', 'öz'ümüzün olandır.
︎ 5. Nəyə baxdığın deyil, nə gördüyün önəmlidir.
Uzun müddət idi ki, Woolfun qələmi ilə tanış olmaq istəyirdim amma heç cürə alınmırdı. Axır ki bu ay qərarımı qətiləşdirdim və bir neçə günlük bir səyahətə çıxdım onunla. Kitabı bəyəndim mi? Bəyəndim. O çox bilinən "oxumadan ölməyin" siyahısına daxil etmirəm amma yenə də bir çox məsələyə toxunan və öz dövrü üçün olduqca möhtəşəm sayılacaq bir əsərdi. Hələ ki, yazıçının qadın olduğunu düşünsək bir az da cürətkar. İndi olsa, elə də qeyri-adi olmaz amma o dövrdə fikirlərini aydın bir şəkildə izah etməyi bacarmağın özü ayrıca bir xüsusiyyətdir.
Kitabda mütləq ki özünüzə yaxın olan biri olacaqdır. Hətta bəlkə də birdən daha çox. Düşüncələr qeyd olunduğu üçün olduqca səmimi və saxtakarlıqdan uzaqdır. Düzdür, ani keçidləri bəzən yorucu ola bilir, xüsusilə də bir obrazı dərin bir şəkildə hiss etmişkən tamam fərqli bir obraza keçid etməsi bəzən əsəbləşdirir insanı, amma yenə də zövq aldım. Digər tərəfdən düşünürəm ki, Mr. Dallowayə yetəri qədər yer verilməyib. Başqaları tərəfindən təsvir olunub çox hissədə lakin öz hissləri elə də öndə deyil.
Kitabın yazı stili düşüncələrin təsviri və sairə fərqli idi amma əgər hərəkətli və çoxyönlü hadisələrin yer aldığı kitabları sevən birisinizsə oxuyarkən nisbətən sıxıla bilərsiz. İnsanı "aaa" dedirdən bir şeyə rast gəlinmir. Elə ən başdan bunu nəzərə almağınız daha yararlı olar. Gözləntilərinizi elə saxlayın ki, xəyal qırıqlığı yaşanmasın)
