Cəmilə Əliyeva
@Jamilla_
Almanya
Azerbaycan
18 okur puanı
Eylül 2022 tarihinde katıldı
Şu anda okuduğu kitaplar
Dəhşətli dərəcədə maraqlı olduğunu düşünmədiyim, bəzi obrazların və dialoqların məni qıcıq etdiyi, amma yenə də insanda maraq oyada bilən kitab idi, mənə görə. Çatışmayan hissələr olmasına baxmayaraq, kitabda təsvir olunan sevgi hekayəsi təsirli idi. Baş verənlərlə yanaşı, oxuculara hər anımızın dəyərli olduğunu, onu dolu-dolu yaşamağımız lazım olduğunu çatdırırdı. Mark Levinin "Bir-birimizə demədiyimiz sözlər" əsərində də eyni motivlər var idi. Hər bir halda, belə motivli kitablar oxumaq, bizə həqiqətən yaşamalı olduğumuzu xatırladır.
Kitabda təsvir olunan bütün hadisələr bir gəmidə baş verir. Kitabın şahmatdan çox, insanın iliklərinə qədər hiss etdiyi yalnızlıqla daha çox əlaqəsi var. Dr.B Gestapo tərəfindən həbs edildikdən sonra yalnızlığın hər tonunu yaşayır. Bir gün təsadüfən tapdığı şahmat strategiyaları ilə bağlı kitab isə bu yalnızlığın tək yoldaşı olur. Eyni gəmidə gedən başqa bir önəmli şəxs isə, şahmat çempionu olan və kimsənin bu oyunda ona qarşı qalib gələ bilmədiyi özündənrazı Czentovicdir. Və bu iki insanın təsadüfən qarşılaşması ilə hər şey daha həyəcanlı olmağa başlayır.
Yalnızlığın həqiqi mənada nə olduğunu izah edən və hiss etdirən, maraqlı kitab idi.
Özüm üçün not kimi yazmaq istəyirəm bura. Baxdıqca xatırlayım deyə...
Bu qarışıq, qorxulu və hər an hər şeyin başa verdiyi dünyada kiçik dünyamızda, sevdiyimiz və səmimi insanlarla gözəl vaxt keçirmək varkən, kinli, pis niyyətli və ya həddindən artıq qürurlu olmaq nəyə gərək? Onsuz da hər şey bitəcək. Özü də anidən.
Kitab mənə hər səhifəsində xatırlatdı ki, sevdiklərimizlə hər anı dolu-dolu yaşamalıyıq. Çünki belə anlar bir də qayıtmır və yeri dolmur.
Hiss edərək oxumağınızı tövsiyə edirəm.
