☞Mehdi Quliyev☜
@Mixaylo313
İyyəkə nəabudu və iyyəkə nəstəin. (Yalnız Sənə ibadət edirik və yalnız Səndən kömək diləyirik)
Şu anda okuduğu kitap
Her çiçeğin bir mevsimi, her kitabın bir zamanı vardır. Haziranın tadını yeni hikâyelerle çıkarın.
- Aydın XırdalanlıŞiir
Düşüb qəlbim təravətdən, əlamətdir qiyamətdən,
Sıxılmış dərdi-möhnətdən, əlamətdir qiyamətdən.
Gözüm həsrət qalıb nurə, gəlib qəmli könül şurə,
Yer adlandırdığın kurə çıxarsa isdiqamətdən - əlamətdir qiyamətdən.
Ədalətsizdir hakimlər, riyakar dini xadimlər,
Sıxır məzlumi zalimlər, əsər yoxdur ədalətdən - əlamətdir qiyamətdən.
Fənafillahı tərk etsək, əgər təqvanı bərk etsək,
Ən adi zərrə dərk etsək, olur bəlli təbiətdən - əlamətdir qiyamətdən.
Qul ikən bənziyir şahə, düşübdür çox xəta rahə,
Xəyanət eylər Allahə, Bəşər ölməz xəcalətdən - əlamətdir qiyamətdən.
Səhər, axşam, gecə, gündüz, dəlildir insana sözsüz,
Yatıb durmaq, bu bir möcüz, oyan bir xali - qəflətdən - əlamətdir qiyamətdən.
Həyat fani, ölüm ani, yazan həqdir bu fərmani,
Həvayı - nəfs insanı yayındırmış ibadətdən - əlamətdir qiyamətdən.
Külək,heyvan, ağac, yarpağ, günəş,ay həmçinin torpaq,
Əyir Allaha baş, ancaq insan çıxır itaətdən - əlamətdir qiyamətdən
Sənə, Aydın cahan dardır, bütün dunya günahkardır,
Bu dünyada nə kim vardır, əlamətdir qiyamətdən.