Serhevde
@Serhevde
Evîndarê welêt û Zimanê Kurdî
Endezyar
Bazîd, 17ê îlonê
350 okur puanı
Haziran 2019 tarihinde katıldı
Îşev dîsa berf dibare. Li ber pencerê rûniştime, barîna berfê dinêrim. Bi rastî ha, berf çi qasî dişibe hezkirinê. Di destpêkê da çi xweş tê xuya. Xweş û paqij.. Em çi qasî bizanibin ku sibê ew xweşî û paqijîya berfê dê wenda bibe jî, dîsa bi xweşikbûna wê dixapin. Lê ne xem e. Xapînok be jî, xweş e.
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Çend sal berê. Li xerîbîyê xwendekar im. Cînarekê me hebû. Hakan Abê. Ji Mêrdînê. Di zarokatîya wî da gundê wan şewitandine û ew jî bi mecbûrî gund gundîtî koçî Antalyayê kirine.
Şev e. Şeveke dirêj ê zivistanê ye. Em li mala Hakan Abê ne. Ez, 2 hevalên min ên Kurd, 2 tirk, Hakan abê û 2-3 hevalên wî. Me zikê xwe têr kir. Şeva xwe derbas kir. Saet tê 4ê berbangê. Her kesek ketîye halê xwe. Hin kes ji ber alkolê, hin kes jî ji ber xewê serxweş bûne. Deng ji kesî dernakeve. Hin kes ji xew ra diçin, hin kes serê xwe kirine telefona xwe.. Yek jî tiktokan temaşe dike. Pişt ra di telefona ew kesê ku tiktokan temaşe dike dengek bilind bû.
"Çawa sebra te tê
Tu bi ser min da netê
Welatê Xurbetê
Ez mame bi hesretê"
Me hemûyan serê xwe rakir. Li telefona wî nêrî. Hinekan cixareyek sor kir. Hinekan gulmek li bîrayê xwe xist. Nizanim wê şevê ew stran çend caran di ser hev da lêxist.. Stran bê klîb bû lê her kesek bi hêvî û xeyalên xwe, di hişê xwe da xwedî klîbek bû. Yek ji wan ên tirk pirs kir got ew çi stran e? Hûn hemû cemidîn û guhdar dikin. Yekî gulmek ji cixareya xwe xist û got "Anlayamazsın" :)
youtu.be/BIPc3a-xbnA?si=...