Adamlar ölümdən qorxurlar yaman,
Adi qarışqa da ölmək istəmir.
Sevinci dostundan əsirgəməyən,
Ölümü heç kəslə bölmək istəmir.
Hərəmiz bir evdə yaşasaq da biz,
Köçəri quşlarıq damlar altında.
Təkcə qızıl-gümüş mədənləri yox,
İnsan külçəsi var yerin qatında.
Torpaq üzərində ad qoyanlara,
Ölmək olmamışdır heç zaman çətin.
Son mənzil torpağa qarışmaq deyil,
İlki, əvvəlidir əbədiyyətin...
-Seyran Şiriyev