Amma "az qala qalib gəlmək" olmur. Adam ya qalib olur, ya yox. Baba az qala qalib gəlmirdi. O, sadəcə, qalib gəlirdi, çünki qaliblər qalib gəlir, qalanlar isə heçnəsiz geri qayıdır.
-Bax, molla nə öyrədir öyrətsin, dünyada sadəcə, bir günah var, bircə dənə. Bu da oğurluqdur. Bütün başqa günahlar oğurluğun müxtəlif formalarıdır.
Sən adam öldürəndə onun həyatını oğurlayırsan. Yalan deyəndə, başqasının həqiqət haqqını oğurlayırsan. Kələk gələndə, başqasının ədalət haqqını oğurlayırsan.