Ekvatorda yaşayanların şimal qütbündə yaşayanlardan daha tünd dərili olmalarının səbəbi qara dərinin bədəni günəş şüalarından daha yaxşı qorumasıdı. Günəşin altında çox qalan ağ insanlar dəri xərçənginə yoluxurlar.
...
Ağ dəri günəş vitaminlərini daha asan toplayır və bu da günəş şüası az olan yerlərdə yaşayanlar üçün vacib xüsusiyyətdi.
Darvin çoxlu böyük əsərlər yazıb, amma bunların arasında İngiltərədə ən çox polemika doğuranı 1859-cu ildə yayımlanan "Növlərin mənşəyi haqqında" adlı əsəri idi. Kitabın bütöv adı "Həyat uğrunda mübarizədə təbii seçmə və seçilmiş irqlərin qorunub saxlanması yoluyla növlərin mənşəyi haqqında" idi. Bu uzun başlıq əslində Darvinin nəzəriyyəsinin icmalıdı.
"Növlərin mənşəyi haqqında" əsərində Darvin iki nəzəriyyə, yaxud iki əsas tezis irəli sürürdü. Birincisi, indi mövcud olan bütün bitki və heyvan növləri əvvəllər mövcud olmuş daha ibtidai növlərdən bioloji təkamül yoluyla əmələ gəlib. İkincisi, həmin təkamül təbii seçmənin nəticəsidi.