Murad Kazımov
@YourName
Nübar əgər görürsənsə, bağışla sənə pis davrandığıma görə
Dövlət İdarəçilik Akademiyası
Azərbaycan, 18 Nisan 1997
188 okur puanı
Eylül 2017 tarihinde katıldı
Şu anda okuduğu kitaplar
Kitabı oxumamışdan əvvəl biraz araşdırmışdım, neqativ hislər verəcəyini bilirdim oxuyarkən. Bu tipdə kitabları bilərəkdən oxumuram. İnsanların bir qismi öz yaşamlarında mənfi, bir qismi isə pozitiv bir şeylərə ehtiyac duyur. Mənim bütün həyatım gərgin, stres dolu keçdiyinə görə daim xoşbəxtliyə can atıram. Hər şeydə, hər yerdə pozitiv bir şeylər tapmağa çalışıram. Buna ehtiyac duyuram bir növ. İndi düşünün ki mənim tipdə bir insan belə kitab oxusa necə olar :)
Qəhrəmanımızın ömrü 4 divar arasında keçir. Daim ölümə, intihara meyl edir (yazarın özü kimi). Gördüyü insanların varlığı belə şübhəlidi. Şizofrenik bir həyat yaşayır, zamandan, məkandan ayrı. Daim narkotikə (dəqiqliyinə qədər yazıb bu hisləri) meyl edən, şəhvət düşkünü bir insandı. Yazar məncə əsərin insanlarda pis təsir buraxmasını istəyib və nail olub da buna.
Oxumamağınızı tövsiyə edirəm.
0-30p: Kontrollü okuyucu 📖
40-70p: Hafif bağımlı 👀
80p+: Geçmiş olsun, kitaplar seni ele geçirmiş 😅
Niccolo Machiavelli bu kitabı dövrün ən güclü italyan hakimlərindən biri Lorenzo de Mediciyə İtaliyanı xarici ölkələrin işğalından qurtarmasına yardım etmək ümidilə yazıb.
Əsəri idarəetmə və siyasi baxımdan dəyərləndirmək olar. İdarəetmə baxımından həmin dövr hökmdarları üçün əvəzedilməz məlumatları özündə ehtiva edir. Bir hökmdarın öz təbəəsinə, əyanlarına, qoşunlarına necə davranmalı olduğu səbəblərlə və tarixi faktlarla izah edilib. Siyasi baxımdan isə aktuallığını hələ də qoruyan fikirləri var yazarın. Machiavelli siyasətdə insanların öz məqsədinə çatması üçün hər cür yoldan istifadə etməsini tövsiyə edir. Bu oxucular tərəfindən pis qarşılansa da reallığı dəyişmir.
Gabriel Garcia Marquez bu hekayəni yazdığı ən yaxşı əsər adlandırıb(Kırmızı Pazartesi-ni yazana qədər) Ola bilsin, ilk əsərlərindən biri olduğu üçün ona daha əzizdir. Amma mən "Yüz ilin Tənhalığı" romanını daha çox sevdim.
"Polkovnikə məktub yoxdur" əsəri oğlunu xoruz döyüşləri zamanı itirmiş qoca polkovnik və həyat yoldaşının yoxsul amma ümidlərlə dolu həyatından bəhs edir. Onların yalnız ümidləri var və həyat hər şeyi əllərindən alsa da ümidlərini belə asanlıqla itirməyə niyyətləri yoxdur. Yoxsul və gəlirləri olmadığı üçün evindəki əşyaları satmağa başlayır, oğlundan qalan döyüş xoruzunu da oğlunun dostlarının təkidi ilə bəsləyirlər ki, bəlkə döyüşləri qazanar, əllərinə pul keçər. Polkovnik müharibə veteranıdır, 15 ildir gözləyir ki ona təqaüd verilsin. Hər cümə günü limana təqaüd alacağı haqqında təsdiq məktubunu almağa gedir. Amma poçtalyonun cavabı həmişə eyni olur "Polkovnikə məktub yoxdur".
Arturo Bandini gənc yaşlarından ailəsindən ayrılır, Los Angeles'ə gəlir, orada kirayədə yaşayır. Ən böyük xəyalı kitab yazmaq və məşhur bir yazıçı olmaqdır. Bu xəyalını gerçəkləşdirdikcə özünü tanımağa, bilmədiyi tərəflərini kəşf etməyə başlayır. Buna sonradan tanış olduğu Camilla'nın da böyük yardımı olur.
Kitab olduqca axıcı və səmimi yazılıb. İnsan oxuduqca oxumaq istəyir. Çünki real həyatdan bir əsərdir. Arturo Bandini də bizlər kimi bəzən səhvlər edir, sonra peşman olur, bunlar üzərində düşünür, yaxşı biri olmağa çalışır.
John Fante Bandini'nin həyatını 4 kitaba sığdırıb. Bu onun 3cü hissəsi və ən çox bilinən hekayəsidir. Digər incələmələrdən bildiyim qədərilə kitabları sırasıyla oxumasaq da bu ümumi hekayəyə təsir etmir. Axıcı, səmimi, ədəbi dəyəri yüksək olduğuna görə(başqa heçnə qatmır sizə :)) məndə digər kitabları da oxuma istəyi yarandı.
Fikrimcə bədən dili ölkəmizdə son 10 ildə daha çox araşdırılmağa başlandı. Əgər doğru istifadə edilsə bədən dilini bilmək sizə insanlarla əlaqələrinizdə böyük üstünlüklər yarada bilər. İnsanlar süni yollarla əsl hislərini bizdən gizlədə bilər amma bədən hərəkətləri həmişə onları ələ verir. Ona görə də kitabın sizə yalnız müsbət təsir verəcəyini düşünürəm. Tək əksik olan yazıçının bir qədər axıcı yazmamasıdır.
