Elvin Zeynallı
@ZET85
Şu anda okuduğu kitap
"Yuxugörmə naşı adamın deyil, hansısa kənar qüvvənin əlinin toxunduğu musiqi alətinin qeyri-düzgün çalğısına bənzəyir; o mənasız deyil, absurd deyil, o, ruhumuzun bir hissəsinin yatdığını, başqa bir hissəsinin isə oyandığını güman etmir. Yuxugörmə mükəmməl bir psixi haldır. O arzunun gerçəkləşməsidir. O, ayıq həyatın bizə aydın olan ruhi təzahürlərinin ümumi zəncirinə daxil edilə bilər. O. son dərəcə mürəkkəb intellektual fəaliyyətin köməyilə qurulur. Ancaq biz bu həqiqəti dərk edən kimi, dərhal bir çox suallar qarşısında dayanırıq. "
Reklam
"İnsan öz ruhi həyatının intim təfərrüatlarını açmaqla bağlı anlaşılan qorxu hiss edir: həmişə ətrafdakıların anlayışsızlığı ilə qarşılaşmaq riski var. Ancaq bu qorxunu dəf etmək lazımdır. "Hər bir psixoloq,-Delbef yazır,-öz zəifliyini etiraf etməlidir, əgər bu etiraf ona hər hansı problemi açmağa imkan verirsə"."
"Yuxugörmələr nadir hallarda, ya da demək olar ki, heç vaxt yaddaşımızda əks olunduqları qədər əlaqəli olmur. Hətta ən doğruçu insan belə gördüyü yuxunu nəsə əlavə etmədən və mübaliğəsiz söyləməyə qadir deyil: insan ağlının hər şeydə ardıcıllıq və bağlılıq görmək cəhdi o dərəcə böyükdür ki, hər hansı rabitəsiz yuxunu xatırlayarkən qeyri-ixtiyari olaraq qırıqları bağlamağa çalışır."
"Yuxuda ruh öz fiziki varlığına ayıq vəziyyətdəkinə nisbətən daha dərin və geniş duyğularla hakim olur: o, bədənin hissələrindən və dəyişikliklərindən gələn və ayıq vəziyyətdə haqqında heç nə bilmədiyi bütün məlum qıcıqarı sınaqdan keçirmək məcburiyyətindədir.
Hələ Aristotel insanın yuxugörmə zamanı başlamaqda olan xəstəliyi barədə xəbərdar edilməsini tamamilə mümkün hesab edirdi, halbuki ayıq vəziyyətdə o heç bir şey hiss etmir.
Yuxugörmələrin diaqnostik fəaliyyəti haqqında tamamilə mötəbər ümunələr kifayət qədərdir. Məsələn, Tisse, Artirin sözlərinə əsasən, xəbər verir ki, 48 yaşlı qadın tam sağlam olmasına baxmayaraq bir neçə il dalbadal daim kabus görməsindən şikayətlənirmiş. Sonradan aparılan tibbi müayinələr onda vaxtsız ölümə səbəb olan ürək xəstəliyinin baş qaldırdığını müəyyən edib"
"Yuxugörmələrin məzmununun ayıq həyatla sıx əlaqəsinə şübhə etməyən bəzi müəlliflər diqqət ediblər ki, ayıq təfəkkürü intensiv şəkildə edən təəssüratlar günün düşüncəsi müəyyən dərəcədə arxa plana keçəndə yuxuda təkrar olunur. Məsələn, vəfat edən yaxın adam ilk vaxtlar, onunla bağlı qüssə sağ qalanın varlığına hakim kəsildiyi günlər yuxuya girir."
Reklam