Son qərarını vermək üçün hələ düşünürdü və nəhayət ki, qərara gəldi. Yox, prokurorluğa gedib Eyvazı öz əli ilə sərbəst buraxmayacaqdı. Əsmərin yaşadığı acınacaqlı həyatdan xəbərdar olduğu üçün bunu vicdanı qəbul etmirdi. Ərindən ağır xəyanət zərbəsi alaraq həyatından küsmüş "susan qadın" öz amansız planını Eyvazın qatil kimi həbs olunması üçün qurmuş və bu məqsədə canını qurban vermişdi. Qasımlı onun məqsədini üzə çıxardı, lakin bu barədə kimsəyə deməyəcəkdi. Qoy son nəticə "susan qadın"ın istədiyi kimi olsun. Qoy onu "öldürmüş" əri layiqli cəzasını çəksin...