Hiç
@alfaaa
Doktor
Yüksek lisans
Özgürlükler ülkesi :)
9 okur puanı
Ocak 2018 tarihinde katıldı
Fuzuli "Dostum"Edebiyat
Dostum alem seninçün ger olur düşmen bana
Gam degil zira yetersin dost ancak sen bana
Aşka saldım ben beni pend almayıp bir dosttan
Hiç düşmen eylemez anı kim ettim ben bana
Can ü ten oldukça benden derd ü gam eksik degil
Çıksa can hak olsa ten ne can gerek ne ten bana
Gamze tigin çekti ol mah olma gaafil ey gönül
Kim mukarrerdir bu gün ölmek sana şiven bana
Ey Fuzuli çıksa can çıkmam tarik-i aşktan
Reh-güzer-i ehl-i aşk üzre kılın medfen bana
Fuzuli "Beni"Edebiyat
Mey pey-â pey sunma sâki kılma lâ-ya’kil beni
Etme bir dem devlet-i didârdan gafil beni
Zehr-i kahrın içmeden var ise kastın katlim et
Ab-i Hayvân içsem öldürmek olur müşkil beni
Ar katlimden sana ben teşne âbi tiğine
Öldürür hasret ger öldürmezsen ey kâtil beni
Ben sana hayrân ü benden gayrı senden bî-haber
Şükr ana kim aşkına kılmış hemin kâbil beni
Ey hoş ol ser-mestlik vakti ki ref olup hicâb
Zevk-i mey bî-ihtiyâr eyler sana mâ’il beni
Zevk noksânı bir âfettir bana ey pîr deyr
Koyma nâkış bir nice câm ile kıl kâmil beni
Kurtulan gamdan derim kûyunda ammâ bilmezem
Kurtarır mı bahr-i gam mevcinden ol sâhil beni
Ey fuzûlî devlet-i bâkî fenâdandır bana
Kim fenâdır eyleyen maksûduma vâsıl beni
Söylemez küsmüş bize canâne söylen söylesin
Neyledim ol yâr-i âlişâna söylen söylesin
Naz ile güftâra gelmezse helâk eyler beni
Ol cefa vü cevri bîpayana söylen söylesin
Derd-i aşkı gayrıdan sorma ne bilsin çekmeyen
Ânı yine âşık-ı nâlâna söylen söylesin
Har zahmından neler çektiğimi gülzârda
Bağban u bülbül-i giryâna söylen söylesin
Bâkiyâ dil durmasın güftara tâkat kalmadı
Vaktidir ol Husrev-i devrana söylen söylesin...
Gülşen içre cilve-i nâz etse cânân kâmeti
Tufrâğ olgan sâyedek serv-i hırâman kâmeti
Nâzenîn kadding tiriklik gülşenining nahlidür
Serv u tubi sendek olmaknıng ne imkân kâmeti
Servdek uksuni ahzar birle Leylî kaddidür,
Tâkdek yüz hem bile Mecnûn-i üryân kâmeti
Gerçi kâmet çekseler, ilge bolur meyli namâz
Vah ki din kasdı kılur ul nâmüsülmân kâmeti
Vasl şâmı ravşan oldı pertev-i ruhsarudın
Yok aceb, desem erür şem-i şebistân kâmeti
Dehr elidek egridürler şuhler baştın ayâk
Tik nazarda tuz ekin ul ahd-i yalğân kâmeti
Ey Nevâî, hublar kaddide yoktur i'tidâl
Nege ohşar servdin undurrak insân kâmeti...
Müyesser olsa dil-i zârı şâdmân kılmak
Olur tahammül-i âzâr-ı bâgbân kılmak
Riyâ degül ki ‘aceb ‘âşıkâne düşmişdür
Sana girişme bana terk-i hânmân kılmak
Ne sîne kaldı ne dil yakmaduk şerâr-ı gamun
Hazer ki müşkil imiş âteşi nihân kılmak
Figân ki sîne-i pür-kînesinde her ne ki var
Murâdı hep felegün bana imtihân kılmak
Karâr-ı düşmen o âvâre bülbülem Âgâh
Ki istemem bagal-ı gülde âşiyân kılmak