Nəyə görə, lənət şeytana, mənim ölümümdən sonra bu dünyada heç nə dəyişmədi? Axı necə ola bilər ki, günəş elə əvvəlki kimi batır, çıxır, heç yanda büdrəmir də? Axı niyə, bazar günü elə bazar günü qaydasıyla keçir... bürkü də, mənim sağlığımdakı kimi, yeri-göyü yandırıb-yaxır?
Ey mənim əziz anam, sən bilsəydin ki, mən daha bu dünyayla bacara bilmirəm, artıq tükənmişəm, canımı götürüb bu məşəqqətdən heç özümdə bilmirəm hara qaçmaq istəyirəm!..