"...İşini bitirən kilsə xidmətçisi qrafinya dö Sen-Fiakra baxdı. Üzündəki ifadədən tərəddüd etdiyi görünürdü. Həmin an Meqre hərəkətə keçdi. İkisi də qadına yaxınlaşdı. Qrafinyanın əlləri ilə örtdüyü üzünə baxmağa çalışaraq onun bu cür hərəkətsiz qalmasına təəccüblənirdilər. Görüntüdən həyəcanlanmış Meqre qadının çiyninə toxundu. Elə həmin an qadının bədəni boşluqda müvazinətini itirdi və yerə düşərək hərəkətsiz qaldı.
Qrafinya dö Sen-Fiakr ölmüşdü.
Meyiti kilsə xidmətçisinin otağına aparıb cərgə ilə yan-yana qoyulmuş üç stulun üstündə uzatdılar. Kilsə xidmətçisi həkim gətirmək üçün tələsik kilsədən çıxdı.
Meqre buradakı vəzifəsinin qeyri-rəsmi olduğunu unutmuşdu. Odur ki, keşişin həyəcan dolu baxışlarını ona sual və şübhə dolu ifadə ilə zilləməsinə əvvəlcə məna verə bilmədi.
-Siz kimsiniz?- keşiş dayana bilməyib soruşdu,- siz burada...
-Cinayət İşləri üzrə İdarədən komissar Meqre..."
Bəzi insanların həyatının hansısa anı onların ən güclü anı olur; özlərini həm bütün bəşəriyyətdən, hətta özlərindən yüksəkdə hiss edirlər. Bu, Monte-Karloda nə olursa olsun qazanan, bunun üçün xüsusi səy göstərməyən oyunçuların vəziyyətinə bənzəyir. Bu, öz nitqi ilə hökuməti yerindən tərpədən və onu dağıdan, sonra isə buna təəccüblənən (belə ki o, sadəcə, "Rəsmi xronika"nın onun haqqında bir neçə sətir yazmasından başqa heç nə istəməmişdi) müxalif deputatın vəziyyətinə bənzəyir.
Sayfa 137 - IX FƏSİL. Valter Skot üslubundaKitabı okudu