Ez kurd imKurdî
Kîjan xwedawend xwediyê min e? nizanim
Kîjan şeytan xwediyê min e? nizanim
Ne asîman li xwîna min guhdar dike û
Ne dad û ne qanûn...
ne naqûsê kilîseyan...
ne qubeyên mizgeftan...
Ez ê bi kê û bi çi sond bixwim? nizanim
Kê hewan û kê palpişt û kê kesê min e? nizanim
Ez vêga şaxekî bê sond im
Sonda min dûkel û gotina min xwelî...
Hetanî koç heye, dê koç bibim
Hetanî agir heye, dê bişewitim
Hetanî av heye, dê xerq bibim
Hetanî dirêş heye, ez qurbanî me
Hetanî ax heye, ez bê ax im
Hetanî çiya heye, dê bigindirim û
Hetanî dar heye, dê min lê bidin
Ez ji berî Mûsa, koçber im
Berî îsa, li çarmîxê me
Berî Qureyş bi zindî li gorê wer bûme
Berî Huseyn, serê min hatiye birîn...
-Şêrko Bêkes-
Reklam
Tu agirî di vê dilê min de, ax
Rawestana te ya serbilind, nihêrîna te ya tûj
Ez nizanim tu çend nefesan ji min dûr î û çend bajar
Tu dê piştî çend nefesan bigihîjî min
Kengê ew çavên te tenê min dorpêç bikin?
Kengê di bîra min de tenê tu bimînî?
Reklam
Reklam