İmtisâl-i câhidû fi’l-lah olubdur niyyetüm,
Din-i İslâm’ın mücerred gayretidür, gayretüm.
Fazl-i Hakk u himmet-i cünd-i ricâlullah ile
Ehl-i küfrü ser-te-ser kahreylemekdür niyyetüm.
Enbiyâ vü evliyâya istinâdım var benüm,
Lûtf-i Hak’tandır hemân, ümmi̇d-i feth ü nusretüm
Nefs ü mal ile n’ola kılsam cihanda ictihâd,
Hamdü lillâh var gazâya sad-hezâran rağbetüm.
Ey Muhammed, mu’cizât-ı Ahmed-i Muhtar ile,
Umarum gâlib ola, a’dâ-yı dîne devletüm!...
Fatih Sultan Mehmed Han