Kağız gəmi burnu ilə suları yarıb üzür, ləngər vurur, suya baş vurub gedir, lakin batmırdı. İki qardaş əl-ələ verib, ortalığa yaxşı iş qoymuşdu: kağız gəmini sukeçirməz etmişdilər. Bilmirəm bu gəminin yolu harada bitdi və ümumiyyətlə, bitdimi? Bəlkə də, üzə-üzə okean sularına qovuşdu və indiyə qədər nağıllardakı sehrli gəmi kimi onun sularını yarıb gedir. Lakin bir həqiqəti dəqiq bilirəm: o kağız gəmi Derri şəhərinin, Men ştatının inzibati sərhədini arxada qoyana qədər axınla irəlilədi, ucsuz-bucaqsız suların qoynunda üzə-üzə, bu hadisələri əbədi tərk etdi.