Cegerxwîn - Kaniya Evînê
Ez Û Bilbil Bi Gul Û Yar Navdar In
Nîşanê Evînê Ne Tenê Ne Dildar In
Dost Û Yar Du Dar In, Payebilind Û Şîn
Dostanî, Dilbijî Di Nav Da Pêtî Û Ar In
Evîndar Her Yek Rengekî Dixwazin
Hin Dilbijê Sorgul Û Dilbijê Reşxar In
Evîn Kanî Ye, Şêrîn Û Tehlî Tê Da Yek So
Lê Li Hawir Beden Û Çember Û Dîwar In
Ji Wê Kaniyê Cihokek Tê Ser Dilê Hejar
Pêlên Pêşi Xweş In, Lê Ên Paşî Dijwar In
Cegerxwîn - Evîna Dil
Evîna Dil, Te Dil Kiriye Birîndar
Bihara Min, Hemî Zer Bûn Gul Û Dar
Me Ew Rojên Ciwanî, Dan Bi Tolik
Ketim Heştê, Ji Nû Ve Bûm Evîndar
Diran Û Çav Dil Pêk Ve Şikestin
Û Porê Min Spî Bûye Bi Yek Car
Cegerxwîn
Tenê Hiştim Ay Dil Îşev Çima Çû?
Wî Ez Kuştim, Ay Dil Îşev Çima Çû?
Rabe Peykev Ay Dil Zû Wî Werîne
Tev Biriştim Ay Dil Îşev Çima Çû?
Hate ber derî min lê nenêrî
Lê gava ew çû, min dil daye dû
Ka ew çavên reş, ka ew dêmên geş
Ka ew bêhna xweş, ka ew reng û rû
Kurdistan Gever.
Ez Kurdistan im, bûka cîhan im, cîhê meranî, şerê giran im
Kaniya jînê, warê hebûnê, li hêviya we me, rojê dertînim..
- Cegerxwin
Amûdê
Amûdê yek ji şarê Mîtan e
şûnwar û girê Moza nîşan e
Hin dibêhin wergera darê ye
Avakerê wê Dara Axmîn e
Di ber perê dîroka nûjend e
Warê Cegerxwîn, Reşîdê Kurd e
Xak nîgara wê başûrê biçûk
Başûrî xêza desta mîrîn e
Amûdê wargehê şanazîy e
Xeml û xizêma wê cewherîy e
Jin nameya wê ew Kurd nijad e
Li neyara tev nifret û kîn e
Bajarê bizav û kurdperwerî
Navenda karê çand û hunerî
Xar û keleme di ber xinizan
Ji xweş Kurda re lan û hêlîn e
Amûdê bilind û serfirazî
Ew her jiyanê wilo dixwazî
Agehdarî her di gel doza Kurd
Geh dil bi şadî geh dil bi şînî
________________________
Pêşeroj Cewherî
Cegerxwîn
Vejîne zimanê xwe ey xwandevan,
Nebûye milet hîç kesek bê ziman
Zimanê me xoş û xûroş û ciwan
Eger baş bizanî tu nakî zîyan
Cegerxwîn dibê;
Ji min can û ceger kuştin
Dil û mêlak hemî miştin
Tijî tîr û ber û xişt in
Bes e ev malmîratî..
Yarê te ez Cegerxwîn, Bêdîn kirim, kirim Dîn,
Miftî ez im di eşqê, Rabe bikuj bi xençer