Əlbət ki, bütün dərdlər bir gün keçər,
Bütün rəsmlər saralar,
Yara qabıq tutar, sağalar.
Bir an gələr, içinə xoşbəxtlik qonar.
Canın bir fincan çay istər
Dəmli bir çay, həm də axşam üstü.
Günlər gəlib, keçər.
Pəncərədən fəsilləri izlərsən, aynada özünü.
Bir gülüş qonar gözlərinə,
Dilinə bir mahnı düşər,
Sanki quşlar qonar ruhuna
Qırıldığın yerdən çiçək açarsan
Ötən günləri xatırlarsan.
Və anlarsan, hər balaca bir anın zamanla böyük xatirəyə çevrildiyini🎞️
Bir gün bir yerlərdə oxumuşdum;
“Sevgili Özüm,
Bir gün əlində çayın və üzündəki səssiz gülümsəmə ilə özünü kimsənin yarım, itkin sevgisinə möhtac etmədiyin üçün, həyatına uymayanlara uymadığın üçün, səni sən edən tərəflərini qəbul etməyənləri həyatından uzaqlaşdırdığın üçün, özünə təşəkkür edəcəksən.” deyirdi.
Özümə söz;
Getdiyim hər yerə baharı aparacam,
Həyat bildiyi kimi gəlsin,
Mən yenə də çiçək açacam.
İçdiyim hər çaydan,
Yaşadığım hər andan,
Oxuduğum hər kitabdan ləzzət alacam.
Güləcəm,güldürəcəm,
Sevinc saçacam.
Həyat kitabımın vərəqləri yazılmağa davam etdikcə.
Xatirəm olacaq insanlar var ətrafımda,hiss edirəm. Çox şey qatacaqlar həyatıma. Aya baxıb gündən,ömrə baxıb ölümdən,mənə baxıb özümdən,izləmədiyim filmlərdən,dinləmədiyim mahnılardan danışacaqlar. Amma əlbət bir gün gedəcəklər.