Ölmek âsân âşıka bir dem firâk-ı yâr güç
Böyle müşkil derd esîri hasteye tîmâr güç
(Âşık için ölmek kolay fakat sevgiliden bir an olsun ayrılık güçtür. Böyle zor bir derde düşmüş hastanın iyileşmesi güçtür.)
Nef’î
Diler göñül visâlini kanı visâl-i dost
İster gözüm cemâlini kanı cemâl-i dost
Olur firâk-ı ömr bigi acı firâk-ı yâr
Olur visâl-i cân bigi şîrin visâl-i dost
Sayd-ıla kayda düşmeg-içün mürg-i cânu akl
Dâm-ıla dâne düzdi bu zülf ü bu hâl-i dost
Bedr ü hilâli bir arada göreyim diyen
Uş mâh yüzde ebru-yı müşgîn hilal-i dost
Agzında âb-ı Hızr ola ben teşne-dil olam
Şart ol-durur ki dostı nedür bile hâl-i dost
Olur kemal-i dostı sevmeklig Ahmedî
Ayb ol-durur ki ide kişi milk ü mâl-ı dost
Aña nazîr didi ki kime ideyim nazar
Tâ mihr ü meh çün olmadı kimse misâl-i dost
- Ahmedi -