Samirə Abbasova təşəkkür edirəm. Mövzu Kitab Amerikada olan 2-ci Vətəndaş Müharibəsi 1861-1865-ci illərdən sonraki dövrdən bəhs edir. Klub qurulur, Gun-Club. Müharibə bitəndən sonra o klubun üzvülərinin heç bir məşğuliyyəti olmur. Neçəsi müharibədən sonra əlil olur. Onlar yenidən müharibə istəyirlər. Amma onlar üçün başqa məşğuliyyət tapılır. Bu klubun rəhbəri Barbicane məktub göndərir ki, onların yığıncağı olacaq. Bu yığıncağa o qədər insan gəlir ki, bina dolur, binanın həyəti də və binadan kənar insanlar da olur. Burda deyilir ki, Aya getməyi planlaşdırırlar və hamı bu xəbəri çox sevinclə qarşılayır. Onlar əslində ilk dediklərində hər hansı bir insan göndərməyi nəzərdə tutmurlar. Bu klubun rəhbəri və klubda xüsusi vəzifələri olan şəxslər və bir də Barbicanenin köməkçisi Maston aya necə getmək lazım olduqları haqda danışırlar. Aya top vasitəsilə güllə göndərmək qərarına gəlirlər. Topun və güllənin ölçüsünü, nə qədər sürət lazım olduğunu hesablayırlar. Sonra isə Cambridge rəsədxanasına müəyyən suallar göndərirlər. Bu suallar Ay və Yer arasında məsafə, gülləni nə vaxt göndərmək lazım olduğu haqda olur. Sonra isə top və gülləni hazırlamağa başlayır. Ancaq sonra müəyyən dəyişiliklər olur, fransız Michel Ardan onlara teleqraf göndərir ki, aya getmək istəyir. Kitab o dövrdə yaşayan insanların ay haqqında olan düşüncələri haqqında bəhs edir həm də. Kitabı dinlədim mən, amma çox maraqlı kitab idi, həm də axıcı idi. Kitabın bəzi hissələri məni güldürdü. Kitabın həm də sonluğunu bəyəndim. Hər kəsə tövsiyə edirəm.