Müharibənin mahiyyəti təkcə insan həyatını deyil, həm də insan əməyi sayəsində ərsəyə gələn məhsulları məhv etməkdir. Müharibə dinc dövrdə böyük insan kütlələrinin rifahına, son nəticədə o kütlənin daha savadlı, zəkalı olmasına xidmət edə biləcək hər cür maddi neməti darmadağın etmək, külünü göyə sovurmaq, dənizdə batırmaq vasitəsidir. Müharibədə işlənən silahlar hərbi əməliyyatlarda sıradan çıxarılmasa belə, onların istehsalı, əslində, istehlaka yarayan heç bir şey yaratmadan işçi qüvvəsini sərf etməyin ən münasib yoludur.