كوزلرك
روحمده كيزلى بر أملمى آرار
كوزلريمه باقوب دالان كوزلرك؟
عقلمه كلمهدك بيلمجه صورار،
بنى خوليالره صالان كوزلرك،
نكاهك كوكلمه اى پری پيكر،
ليال حسرتك حزننى دوكر!
قاراكلقلر كبى ييقلير، چوكهر
ايچمده ير ايدوب قالان كوزلرك.
حضوركده بعضا بنلكم ارير
طورك خلوصمدن شبهه كوسترير؛
بعضاده نه اولماز اميدلر ويرير
صبر و قرارمى آلان كوزلرك
غمزكده ظاهر اى عمرمك وارى،
فسون حسنكك بوتون اسرارى؛
نشر ايدر عالمه رنك بهارى
قويو منكشهيه چالان كوزلرك!
سحردر شبههسز بوتون بو شيلر،
باقيشك زهنمى پريشان ايلر.
بكا عشق ايلندن افسانه سويلهر
عشقه اينانمايان يالان كوزلرك.
رضا توفيق