Cengiz Aytmatov
Kitaba müəllifin iki povesti daxil edilib. “Ağ paroxod” müəllifin digər əsərləri kimi şəxs və şəxsiyyət, təbiət və insan, milli mənlik, qırğız mifologiyası kimi mövzulara toxunur.
Baş qəhrəman tənha, çox vaxt diqqətdən kənar qalan, xəyal dünyasına qapılaraq onu əhatə edən problemlərdən qaçan yetim bir uşaqdır. Uşağın gözündən müəllif: 1) XX əsrin ortalarında qırğızların Orta Asiyanın bütün digər xalqları kimi keçmiş adət-ənənələrdən qopub müasirləşməsi prosesini, 2) sovetlər dövrünün kolxoz cəmiyyətinin çatışmazlıqlarını, 3) uşağın babası kimi üzüyola və xeyirxah insanların cəmiyyət tərəfindən necə tapdanmasını qəddar uşaq səmimiyyəti ilə təsvir edir.
Əsərin bütün qəhrəmanları hansısa bir şəxsi faciələrin həyat yollarında sürükləyib bir araya gətirdiyi insanlardır, hansı ki onlar heç görüşməsələr daha yaxşı olardı, lakin həyat onları “ailə” olmağa məcbur edirdi.