Gülbank
"Üçler, yediler, kırklar hürmetine... Yaaa Muhammed! Yektir Allah! Yektir Allah! Yektir Allah! İllallah! Eûzübillâhimineşşeytanirracîm Bismillâhirrahmânirrahîm. Duâ edelim; Allahu Teâlâ Hazretleri'nin birliği içün, Hâtemü'l Enbiyâ Hazreti Muhammeden-il Mustafâ sallallahu aleyhi ve sellemin pâk, münevver, mutahhar, azîz, şerîf, latif rûh-ı şerifleri içün, evlâdı içün, ashâbı içün, çihâr-ı yâr-i güzîn ervâhi içün, tâbiîn, tebe-i tâbiîn, eimme-i müctehidîn ervâhı içün, enbiyâ ve evliyâ ve ulemâ-i izâm ve meşâyîh-i kirâm seyyidüssâdât selâmeti içün rıdvânullahi teâlâ aleyhim ecma'în. Sırları ve himmet-i âliyyeleri üzerlerimize ve üzerlerinize hâzır ve nâzır olmaklığı içün, selâtin-i mâdîn içün, hâlâ izzetlü ve seâdetlü pâdişâh-ı âlem-penâh hazretlerinin ömr-i devleti, yevmen fe-yevmen ziyâd ber-ziyâd olmaklığı içün, asâkir-i İslâm her nereye müteveccih olurlar, mansûr ve muzaffer olub a'dâ-yı dîn hor ve hakîr olmaklığı içün, Ahi Baba Hazretleri'nin selâmetliği içün ömr-i devleti yevmen fe-yevmen ziyâd ber-ziyâd olmaklığı içün el Fatiha!"
·
30 görüntüleme
Yorum yapabilmeniz için giriş yapmanız gerekmektedir.