Nizanim wê kîjan cejna te
Careke din
pêrgî helbesta min bê
lê eger hat..!! û te
li şûna hevdîtina yekemîn
ji blî
bayê û xweliya danênn şewitî
ti helbest nedîtin...
eger hat..!! û te
ji bilî laşekî û pêjna
mirineke kevin
ti cejn nedîtin
wê ji te re bêjin:
....." ewê ku cejna te
li helbesta wî
digere,
helbesta xwe ya dawî
di şûşeyên berbangê de
şikandin.
hemû pirtûkên pîroz
di sûndekê de şewitandin
û
artêşa xwedayên
şikestî
- poşman-
Ji ber dergehê mizgeftên xwe
vegerandin.
………
Êdî ne helbest,
Ne nimêja li ber lingê
xwedayên şikestî
Têra libendêmayîna cejna te
dikirin!!...."
.......