Lev Tolstoy- bu şəxs bu qədər çoxsaylı, üstəlik fərqli yaşamları mükəmməl təsvir etdiyinə görə minimum 10 ya 15 dəfə yaşamış olmalıdır. Əgər reinkarnasiya deyilsə onda hədsiz həssaslığa sahib olmalıdı ki, bu əsəri yarada bilsin. Düzü əsərdə ərinə xəyanət edən Annanı anlamaqda çətinlik çəkdim. Lakin, onun xoşbəxtlik deyə getdiyi yolun sonunda da hüsrana uğraması, yaşadığı çarəsizlik, günümüzün insanının da müxtəlif hadisələrdə üzləşə biləcəyi duyğudur. Min təəssüf! Hər zaman qatar gəldiklə relslərə atlamaq gəlmişdir içimdən, əminəm məndən başqa da kimlərdəsə olub. Amma bizi ümüdlərimiz saxlayır, sevdiklərimizin varlığı, qığılcım kimi də olsa arzularımız, inancımız və s. Anna üçün isə demək bunların heç birisi yoxdu. O bədbəxt idi, hər mənada… Yaxud sadəcə elə olduğunu düşünürdü.