Dûstum âlem senüñçün ger olur düşmen maña
Gam değül; zîra yetersen dûst ancak sen maña
Işka saldum men meni pend almayub bir dûstdan
Hiç düşmen eylemez anı ki itdüm men maña
Cân ü ten oldukca menden derd ü dâğ eksük değül
Çıḥsa cân, hâk olsa ten, nî cân gerek nî ten maña
Vasl kadrin bilmedüm hicrân belâsın çekmedin
Zulmet-i hecr itdi çün mübhem işi rûşen maña
Dûd-i aḥgerdür maña serv ile gül ey bâğbân
Neylerem men gülşeni? Gülşen saña, gülḥan maña
Gamze tîğin çekdi ol mâh, olma gâfil ey göñül
Kim mukarrerdür bugün ölmek saña, şîven maña
Ey Fuzûlî çıḥsa cân, çıḥman tarîk-i işkdan
Rehgüzâr-1 ehl-i işk üzre kılun medfen maña
Sayfa 22 - Ayrıntı Yay. 2.Baskı, Eylül 2019