Ən çox saçlarını xoşlayıram mən,
Tökülə çiyninə şəlalə kimi.
Ürəyim yanınca içəm ürəkdən
Tellər axınını piyalə kimi.
Elə bil mənimlə bəhs eləyirsən,
Yığıb saçlarını sancaqlayırsan.
Şəlalə telləri həbs eləyirsən,
Onları dustaqda çox saxlayırsan.
Yalvarış gətirir bir mərhəmətə
Dünyanın ən zalım hökmdarını.
Mən özüm gəlmişəm axı, minnətə,
Aç, burax günahsız dustaqlarını.
·
88 Gösterim
Yorumlar
Lütfen giriş yapınız.