Bir çox istedadlı insanlar (şagirdlər) var ki, bəzən bu istedadlar heç, bəzən isə vaxtında dəyərləndirilmir. Əgər şanslı olmuşuqsa, həyatımızda bizə istiqamət verən, hətta gələcəyimizin daha gözəl şəkildə olmağı üçün çalışan müəllimlərə rast gəlmişik. Ziya Qədiroğlu (Əşrəfov) da belə şanslı insanlardandır, məncə.
IX sinifdə Vüsal Şirinov adlı bir müəllimin onlara dərs keçməsi ilə istedadlı bir şagirdinin olduğunu öyrənən müəllim bu istedadı dəyərləndirir. Bunun nəticəsində isə müəllimin dəstəyi ilə bu kitab nəşr olunur.
Bu kitab gənc şairin ilk kitabıdır. Kitabı oxuyanda bəzi şeirlərin ilk qələm təcrübəsi olduğu, bəzi şeirlərin digər şairlərin təsiri ilə yazıldığı hiss olunsa da, bir çox şeirlər isə gənc şairin hələ ədəbiyyata çox töhfə verəcəyinin müjdəçisidir.
Kitabdakı şeirlərin bəzilərini bölüşmüşəm, bəzilərini də bölüşəcəyəm. Şagirdlərinin yoluna işıq olan müəllimlərin timsalında Vüsal müəllimə təşəkkür edirəm, Ziya Qədiroğluya isə uğurlar arzu edirəm.
·
106 Gösterim
1 Yorum
Lütfen giriş yapınız.
Dəyərli fikirləriniz və səmimi sözləriniz üçün təşəkkür edirəm. Gənc istedadların üzə çıxarılması və onların gələcəkdə uğur qazanması üçün müəllimlərin rolu əvəzsizdir. Sizin də qeyd etdiyiniz kimi, hər bir şagirdin bacarığını vaxtında görmək, qiymətləndirmək və dəstəkləmək böyük məsuliyyətdir.
Şagirdim Ziya Qədiroğlunun ilk kitabının nəşr olunması həm onun yaradıcılıq yoluna atdığı mühüm addımdır, həm də gələcək uğurlarının başlanğıcıdır. Bu yolda verdiyiniz mənəvi dəstəyə görə sizə minnətdarlığımı bildirirəm.
Ümid edirəm ki, gənc şairimizin yaradıcılığı gələcəkdə daha geniş oxucu kütləsinə çatacaq və Azərbaycan ədəbiyyatına öz töhfəsini verəcəkdir.
Səma Məmmədsalahova
Gönderi Sahibi
Şagirdlərinin yoluna işıq olan müəllimləri görmək, onları və şagirdlərini də dəstəkləmək xoşdur, müəllim. Hər ikinizə bütün addımlarınızda uğurlar arzu edirəm.