Yazar:
Ziya Qədiroğlu
Tahmini Okuma Süresi:
1 sa. 59 dk.
Sayfa Sayısı:
70
Basım Tarihi:
Haziran 2025
Yayınevi:
RF Nəşriyyatı
Ülke:
Azerbaycan
Dil:
Azerbaycanca
Format:
Karton kapak
Sıralamalar
Reklam
Yorumlar ve İncelemeler
Bir çox istedadlı insanlar (şagirdlər) var ki, bəzən bu istedadlar heç, bəzən isə vaxtında dəyərləndirilmir. Əgər şanslı olmuşuqsa, həyatımızda bizə istiqamət verən, hətta gələcəyimizin daha gözəl şəkildə olmağı üçün çalışan müəllimlərə rast gəlmişik. Ziya Qədiroğlu (Əşrəfov) da belə şanslı insanlardandır, məncə.
IX sinifdə Vüsal Şirinov adlı bir müəllimin onlara dərs keçməsi ilə istedadlı bir şagirdinin olduğunu öyrənən müəllim bu istedadı dəyərləndirir. Bunun nəticəsində isə müəllimin dəstəyi ilə bu kitab nəşr olunur.
Bu kitab gənc şairin ilk kitabıdır. Kitabı oxuyanda bəzi şeirlərin ilk qələm təcrübəsi olduğu, bəzi şeirlərin digər şairlərin təsiri ilə yazıldığı hiss olunsa da, bir çox şeirlər isə gənc şairin hələ ədəbiyyata çox töhfə verəcəyinin müjdəçisidir.
Kitabdakı şeirlərin bəzilərini bölüşmüşəm, bəzilərini də bölüşəcəyəm. Şagirdlərinin yoluna işıq olan müəllimlərin timsalında Vüsal müəllimə təşəkkür edirəm, Ziya Qədiroğluya isə uğurlar arzu edirəm.
Bu kitab sadəcə şeirlər toplusu deyil, gənc bir qəlbin duyğuları, düşüncələri və arzularıdır. *“Sənsiz”*dəki hər misrada gəncliyin saf hissləri, həyatın sınaqları və sevginin müxtəlif çalarları öz əksini tapır.
İlk kitabını ərsəyə gətirmək hər bir qələm sahibinin ən böyük arzularından biridir. Bu yolda Ziyanın əzmi, istedadı ona güc verib. Mən inanıram ki, bu, onun yaradıcılıq yolunun başlanğıcıdır və gələcəkdə daha böyük uğurların müjdəsidir.
Ziya Qədiroğlunu ürəkdən təbrik edir, “Sənsiz” kitabının oxucuların qəlbində özünə gözəl yer tapacağına inanıram.
