Mən insanların ən yaramazı və mənasızı, vaxtilə institutumuzun yaranmasından əvvəl arvadımın haqqımda dediyi kimi, ən sümsüyü, həqiqətən böyük icad dühasıyla doğulmuş bir adamı tanıdım. İllərlə yan-yanaşı yaşadım. Necə işlədiyini gördüm. Fikrin beynində necə kök salmasının, necə birdən-birə böyüyən ağac kimi qol-budaq atıb, az qala, bütün bədənini bürüməsinin və ordan həyata yayılmasının şahidi oldum. Əsrimizin bəlkə də ən böyük, ən faydalı müəssisənin, Saatları Qurma İnstitutunun onun gözlərində birdən-birə peyda olan bir parıltıdan bügünkü, yaxud dünənki vəziyyətinə gəlib çatmasını gündən-günə həyatımın bir parçası kimi yaşadım. Hətta özümü tərifləmək kimi gülünc bir vəziyyətə düşmədən deyə bilərəm ki, tale və təsadüf bu Xeyri İrdal biçarəsində bütün acizliklərinə baxmayaraq, həmin müəssisənin yaranmasında mühüm rol oynamağı da nəsib etdi.
·
1 görüntüleme
Yorum yapabilmeniz için giriş yapmanız gerekmektedir.