Anduğumca aklum şaşar sen de ölürsün ben de ölürin
Aramıza firkat düşer sen de ölürsün ben de ölürin
*
Gel beğüm kıyma bu câne yazıkdur girme gel kane
Kimseye kalmaz zamâne sen de ölürsün ben de ölürin
*
Yanıma gel şefkat ile koma beni firkat ile
Korkaram bu hasret ile sen de ölürsün ben de ölürin
*
Kıyma kuluna sultânum karma kara yire kanum
Diyetdür bu benüm cânum sen de ölürsün ben de ölürin
*
Usûlî eydür bu sözüm derd ile göyünsün özüm
Kan ağlasun iki gözüm sen de ölürsün ben de ölürin