Gulsen Behramova
@guulsheen
Şu anda okuduğu kitap
Heçnə əbədi deyil həyatda,dərdlərimiz belə. Yəqin ki hələ də köhnəlmədiyini düşündüyünüz dərdiniz var,lakin bu o demək deyil ki o heç vaxt bitməyəcək. Hər şey bitir və yerini başqa şeylər tutur. Balaca olanda bizə əziyyət verən şeylər bəlkə də indi necədə gülünc gəlir bizə ki buna mı üzülmüşəm? Yaş ötdükcə fərq edirik bunu.Yenə də hər kəsin öz fikri var.
Həyatınızda sizin üçün həqiqətən sevinən, dərdinizə şərik olan neçə insan var? Heç düşünmüsünüzmü? Sizin xoşbəxtliyinizi arzulayan? Kədərinizə sizdən çox can yandıran? Sevincinizə sizdən çox sevinən?
Heç düşünmüsünüzmü neçə nəfərdən ibarət olduğunuzu?
İkisinizmi? Üçsünüzmü?
Yoxsa böyük "BİR"dən ibarətsiniz?
Başqalarının sizin haqqınızda nə düşündüyü ilə maraqlanırsınız, çünki onların sizi bəyənmələrini istəyirsiniz. Və bunun ən yaxşı yolunun problem yaratmamaq olduğunu düşünürsünüz. Nəticədə, bütün həyatınızı sevilmək ümidi ilə mükəmməl insan olmağa sərf edə bilərsiniz. Nə qədər mükəmməl olursanız olun, bəzi insanların sizdən xoşu gəlməyəcək. İnsanların sizin haqqınızda olan fikrini ''düzəltməyə'' cəhd edə bilərsiniz, lakin bu da işə yaramaz. İnsanlar öz dəyərlərinə və inanclarına görə sizi hələ də istədikləri kimi görəcəklər. Beləliklə əgər öz dəyərinizi insanların sizin haqqınızda nə düşündüyünə əsaslandırsanız,hər zaman başqalarının razılığının insafına qalarsınız. Hər kəs tərəfindən sevilmək üçün çox çalışaraq, şəxsiyyətinizi ifadə edə bilməyəcəyiniz darıxdırıcı bir həyat yaşamaq riskini daşıyarsınız.Sonda dostlarınızı təqlid edib ətrafınızdakı hər kəsi məmnun edəcəksiniz, ancaq dünyanın ən vacib insanını- özünüzü məmnun etməyi unudacaqsınız.
İnsanlara baxıram bəzən yazığım gəlir. Bu sözüm bəlkə də bəziləri üçün məni mənfi obyekt edəcək amma faktiki olaraq belədir ki, insanların çoxu nəyisə öyrənmək üçün yox, öz doğrusunu(bəzi hallarda heç öz doğrusu belə öz işinə yaramır) göstərmək üçün qalmaqallı müzakirələrə girir. Öz eqosunun şəhvani, heyvani və cismani hislərini öldürmək üçün. Yəni ki, "mən haqlıyam siz də mənim haqlı olduğum şeyi qəbul etməlisiniz" kimi. Mən həyatımı tamamilə fəlsəfə və fəlsəfə qanunları əsasında aparan biriyəm. Gördüyüm hərşeydə mənanı tapmağa, fikir yürütməyə və onu dərk etməyə cəhd edən biriyəm. Mən bəzi şeyləri inkar edirəm. Doğru olsa belə. İki zidd fikirdən əmələ gələn 3 cü fikir ən dolğun və ideal fikir olur deyə düşünürəm. Amma bəzilərimiz bunu anlamaqda həqiqətən çətinlik çəkir və "onsuz da bunlar səhv bilir" deyib hərhansı müzakirə mövzusuna qoşulmur.(Təbii ki əgər vaxtı varsa)
Söhbət din və siyasət olduqda isə, hansı ki qrupun informasiyasında var, onda insanlar artıq öz doğrusunu mütləq müdafiə etməlidir.
Ən pisi isə budur ki, öz subyektiv doğrularımızı və yanlışlarımızı digər insanlarınkılar ilə müqayisə edib onları mühakimə edirik.