Gulsen Behramova
@guulsheen
Baku
6 Ekim
28 okur puanı
Kasım 2023 tarihinde katıldı
Şu anda okuduğu kitap
İlk olaraq demək istəyirəm ki, bu qədər gözəl olacağını gözləmirdim. Bu kitabı anidən gördüm və adətən etdiyim kimi yazarın digər əsərləri və şəxsən kitabın özü haqqında maraqlanmadan kitabı əldə edib oxumaq qərarına gəldim. Düzünü desək, kitabın cildindəki "Detektiv" yazısı diqqətimi cəlb etdi(daha çox detektiv romanlar oxumağımla əlaqədardır). 4 "dost" un birlikdə törətdiyi "cinayət" qəzasının əsasında baş verir əhvalat. Süjet xəttini bəyəndim, bu ssenari ilə daha gözəl əsər yaratmaq olardı amma nə isə. Hə,birdə, sonu sanki yarımçıq qalır. Dəvam etdirmək olardı və çoxda gözəl alınardı. Oxumağı tövsiyə edirəm.
Reklam
"Romeo və Julietta" yoxsa Müşfiq və Dilbər?
Əminliklə deyə bilərəm (amma sübut edə bilmirəm) ki, bu, dünyanın ən təsirli sevgi hekayəsidir. Bu kitab emosional fona faydalı təsir göstərir, pozitivliyə sirayət edir, şeirlərdən insanın ürəyi parçalanır. Bu, məndə belə güclü təəssürat yaratmağı bacaran ikinci kitabdır. Birincisi 
Nəimi 
Qarmaqarışıq idi. Bilirsiniz, bunu daha təsirli edən şey əslində baş verməsidir. Dilbər xanımın 1988 ci ildə alınan reportajına yəqin çox insan baxıb, Orada Dilbər xanımın gözlərindən Müşfiqə olan həsrəti aydın görünürdü. Hələ bir sözü var idi "Bu bizim Müşfiqlə son görüşümüz idi. Bundan sonra Müşfiqin üzünə həsrət qaldım." Çox təsirlidir elə deyilmi? Həyat dolu,sevgi dolu şairimizə necə qıydılar, onu yarından ayırdılar. Bu 2 sevgili haqqında nə qədər danışsam azdır.
~ Ən sevdiyim şeirlərdən biri "Səndən küsmərəm"-dir :
Mən şirin ləhcəli bir bülbüləm ki,
Güllərdən küsərəm, səndən küsmərəm
Məni öz canından çox istəyən
Ellərdən küsərəm, səndən küsmərəm
Gözlərin misaldır axan çaylardan
Kirpiyin oxlardan, qaşın yaylardan
Qarşımıza gələn uzun aylardan,
İllərdən küsərəm , səndən küsmərəm
El içində bizə dərlər Sayadlı,
Tərlan ovçusuyam, ruhum qanadlı
İlham pərisinin açdığı dadlı
Dillərdən küsərəm, səndən küsmərəm.
Birdən işdi olsa , məndən kimsəsiz adaya aparacağım yeganə kitab haqqında soruşsalar, bu, şübhəsiz ki, bu kitab olardı - şah əsəri. Bu sevgi, iman,bağışlanma,tərk edilmə, aldanma hekayəsidir. Yazar sevgini necədə gözəl bir hiss olduğunu canlandırıb , kiməsə sevgi etirafı etmək üçün böyük cəsarətə malik olmağını bildirib , çox gözəl an oldu bu çünki indi ki günümüzdə insanlar bu sözü o qədər adiləşdirib ki gündə 2-3 nəfərə deyirsən)) Bəzən mənasını dərk etmədən sadəcə oxumaq istəyirsən, çünki bu mərhələdə məna mütləqki sənə çatmayacaq. Qarmaqarışıq oxumaqla belə oldum. Amma bu kitab öz fəlsəfi dərinliyi və müdrikliyi ilə yaxşıdır, o təkcə əyləndirmir, həm sizi düşündürür, həm də bəlkə də dünyaya münasibətinizi müəyyən mənada dəyişdirir. Yazarımızın çox gözəl, çox insanların göz yumduğu hətta gücü çatıb dilə gətirə bilmədiyi mövzulara toxunub. İnsan oxuduqca həzz alır . Bu sanki detektiv janrı deyil , psixoloji kitabdır Nəimi bəy Nəimi )) Çox xoş oldu mənə , yeni kitablarınızı səbirsizliklə gözləyirəm. Uğurlar!
Çox maraqlı əsərdir. Mütləq ikinci hissəsini də oxumaq lazımdır. Fərqli əsərdir deyə, ön sözü oxuyanda tam olaraq hansı janrda olduğunu anlaya bilməmişdim. İnsanı maraqda saxlamağı bacarır. Oxuduğum digər əsərlərə bənzəmir. Mən də bir çox insanlar kimi hər hansı bir kitabı oxumağa başlamazdan əvvəl ilk növbədə digər oxucuların rəylərini oxuyuram və gördüyüm kimi çoxları bu kitabı başlığına görə oxumağa başlayır. Bəli, bu yazıçının xeyrinədir, çox uğurlu başlıqdır . Yazıçımıza digər işlərində uğurlar arzulayıram
