SEY UŞÊ AĞIDI
Roze ama dısemiye
Hêfê mı yeno Sey Uşenê khali u lınga tufonge çheriye
Hefe mı yeno Xıdır Ağay, qom u murveto, cemat u qomsavi, xonça nundariye
Şerune mı sare no ra vera pardiye
Pardiye kerda xıraviye
Sıleman Ağae Sadıqı vatene
Çe Mıste Heş ke wuşte ra, ne wuşte ra
Qom u murveto, cemati çarne zere Pardiye
Ma ra tepiya, bıçarno zere Meçiye
Roza ama dısemiye
Mıstafa Begi ağlari dê are berdê sondê Bonê Tosniye
Vano, aşirunê jumini de mekerê bêbextiye
Mekerê babağiye
No zalım baro de gırano
Dewleta Ali-i Osmani eve na gawıri nêşikiye
Wurışi gureto Anadoliye
Gawıri gureto Anadoliye
Bıxeleşnime şerefe Anadoliye
Bıxeleşnime şerefe Dêsim u Kırmanciye
Roze ama wayi wayi
Pardiye bıveso, bırr u pagi
Cendege Ağaune mı kerdê raşti ardê
Serê çımê mı Hiniye Haci
Ewro sere şuare vano
Hesen Ağae Torne Dursın Ağay
Vano, mı coru nêdiyo veyvo nianeno sonix
