Av û Berf
Cihan RojAv û Berf Gönderileri
Av û Berf kitaplarını, Av û Berf sözleri ve alıntılarını, Av û Berf yazarlarını, Av û Berf yorumları ve incelemelerini 1000Kitap'ta bulabilirsiniz.
HELEBÇE
ne hewr bûn dibêjin
diranên marên korbûne jahr
mirin, ma wexta kêfa te bû te kêf dikir!
tu hê jî li destên bi hine digerî,
li dilên piçûk,
li jinên bi tîna mirazan distewin...
ew kî bû rahiştibû temeziya ji jarê
bi govenda meytên sar şadibû!
kî bi diranan hêlkana ‘Miriyên Adarê’ dihejand!
û jar vedirişiya,
maçên zarokan di axa sar de veşart!..
17.03.2001
Piştî hêsrên Berzan...
Sayfa 26Kitabı okudu
TE DIGOT
Te digot ez deng im.
Ka sewta te?
Te digot ez dil im.
Ka kilam û helbestên te?
Te digot ez yar im.
Ka bextê te?
Te digot ez jan im.
Ka, ka kenê te !
Te digot ez silav im.
Ka, ka qasidê te ?
Sayfa 24Kitabı okudu
TU Û HELBEST
ji rengê porê te xeyalên min hene
ba lê dixe li pelên ketî yên zerik
naxwazim ji dest û pê de bikevim
lê haya min ji gavên min tuneye
beden bi min giran bûye
dengê dilê xwe dibihîzim
li te vedigerim
tu, ya ku dûr
li ber çavên min, helbest dadipale ji hinarikên te
tu ne li vir bî jî
helbest li vir e
tu werî jî êdî zor e helbest biçe
wê helbest jî nikaribe dest ji te bike
Sayfa 22Kitabı okudu
ÇÎRÇÎROK IN
çîrçîrokan em mezin kirin,
hûn ê bêjin;
siya hîvê
bêdengiya tariyê…
min di çîrçîrokan de tahmijand,
hûn ê bêjin;
negihaştina evîndaran
qama lehengan
ax, piştî çîrçîrokan,
em ê bêjin;
helbest nayên nivîsîn…
yên ku nabêjin, eşq tarîti ye
bêhn dide eşq
nêzî gulê
dûrî tarîyê ye,
ew in qelemdarên bê kaxiz…
Sayfa 12Kitabı okudu
ÇÎROKA HEZKIRINÊ
xeyalên min têra hevokekê nakin
peyvek kêm dimîne
kîteyek ê peroşên min gemarî bike
henaseyek kin
deqîqeyek gelek dirêj
çêjek ê bênav bimîne
kenek bê pênase
yek-bênefes
yek-bêxeyal
yek-bêzeman
yek-bêyî pênase
helbestek e serhevde; a ku kevn dibe lê kartî nabe,
çîroka hezkirinan a ku di peroşan de maye…
Sayfa 11Kitabı okudu
PIRSÊN QIRÊJ JI AVÊ DIKIM
ji avê re bêjin
pirsên ku bête kirin êdî neman
pirsên ku li ser rê li benda qirêjbûnê ne…
ev tirsek e
heya ku av karibe paqij bike;
ê ew pirs ji ba, ji axê, ji hewayê bête kirin,
her roj!
ji avê re hûn bêjin
pirsên avê hene
pirsên paqij ku dixwazin gemarî bibin
ev jî tirsek e
bêyî pirsan, dixwazim ber bi avê ve biçim
Sayfa 9Kitabı okudu