Bir Gün Təbəssüm Olmuşdum
Vaqif SəmədoğluBir Gün Təbəssüm Olmuşdum Gönderileri
Bir Gün Təbəssüm Olmuşdum kitaplarını, Bir Gün Təbəssüm Olmuşdum sözleri ve alıntılarını, Bir Gün Təbəssüm Olmuşdum yazarlarını, Bir Gün Təbəssüm Olmuşdum yorumları ve incelemelerini 1000Kitap'ta bulabilirsiniz.
Dilənçilikmi bu, yoxsa ürək üzmə?
Amma dünyanı papaq kimi
Qoymuşam o tində
Səkinin üstünə...
Daha keçib günahdan,
İllər dilənirəm Allahdan
beş il, on il, nə bilim,
nə qədər atsa qabağıma.
Bilirəm, əvvəl-axır
O da keçər bu tindən,
tutar papaq yiyəsinin əlindən.
Özü bilər.
Jəllad başına kirli,
Şair başına təmiz hava gələr...
Bir şeir yaz mənim yerimə
gün işığı,
qafiyəm ol,
uşaq təbəssümü.
Bir uşaq oynayır,
Oynayır özü kimi əlvan
otların, çiçəklərin arasında.
Günəşə baxır göz qırpmadan…
Yoxdur qocalıq yer üzündə, yoxdur!
durub pəncərə qabağında, baxıram,
baxıram yağış və yağış səsi altda
ayağı yalın, başı açıq qalmış
bir insan taleyinə,
və bu tale yiyəsi
bu allahsız dünyada da
inanır, inanır, inanır Sənə…
Sabahdan axşamacan gözüm yolda.
Nə bir yoldaş gözləyirəm,
Nə qız gözü.
Nə kağıza yapışan söz,
Nə də ki, bir baxt.
Sabahdan gözüm yolda.
Nə bir Günəş möhürləyən səhər,
Nə də axşam imzası gözləmirəm.
Gözüm yorğun…
yorğanları qapanır…
kimsə yox,
heç kimi gözləmirəm.
Mən bir gün üfüq olmuşdum,
duman çökdü dənizə...
Görünmədim.
Mən bir gün cığır olmuşdum,
gedib-gələn olmadı,ot basdı üstümü...
Görünmədim.
Mən bir gün təbəssüm olmuşdum,
nə oldu bilmədim...
Görünmədim.