Çemê Baranê
Berken Berehİletiler
Hêvî
ez ji qewmê tîrêjan im
her êvar têm kuştin
her spêde ji nû ve diwelidim
Berken Bereh
Çemê Baranê
ey siwariyê bi çargavî tê ji biyabanê
birûsk û beledî dipekin ji depa singê wî
bibexşîne gunehê me, kadîna me dagire
stêrkan bireşîne li şevên me yên xalî
Berken Bereh
Çemê Baranê
Nexşe
Xuda yî
ji çiya, robar û esmanî
welatek ava kir
bi navê Kurdistan!
welatek ew çend mezin
welatek ew çend ciwan
warê şêr û mêrxas
xezal û xoşewîstan
li dinyayê bi cih nebû
ti nexşeyan ne eciband
lê dilê min têra wê kir
Berken Bereh
Çemê Baranê