1 nəfəsə kitab bitirmək…
Kitabda yazılan 10 qaydanı Coşqun müəllimdən canlı dinləmək şansım olmuşdu.
Bəs bildiyim kitabı niyə bir nəfəsə oxudum ki?
Coşqun Kərimovun elə bir stili var ki, onun yazdıqlarını oxuyanda və ya dinləyəndə mütləqdir ki, yeni nəsə öyrənirəm.
Hətta kitabı oxumağa başlamadan adı ilə belə nəsə öyrədir; - Kvan, Ubuntu, Alamo13, Onqaku, Lamartin - bu adların hər birinin bir mənası kitabla uyğunlaşa bilən hekayəsi var.
Bu kitabın adı isə digər 8 kitabdan fərqlənir, söz oyunu yoxdur, mesaj açıqdır. Danış Görək deyir. Yaxşı nitqi göstərə bilməyimiz üçün də 10 qaydanı yazır.
Hətta deyərdim ki, kitabı yazarkən belə bu qaydaları tətbiq edərək əyani göstərib. Məhz bəlkə də budur kitabı (yaxşı nitqi) ara vermədən bir nəfəsə bitirmək həvəsi yaradan.
Xüsusi qeyd: Coşqun Kərimovun kitablarının pdf formasını @kofe.al platformasından pulsuz yükləyib, oxuya bilərsiniz.