Yazar:
İlqar Rəsul
Reklam
Yorumlar ve İncelemeler
Kitabı dostum mənim üçün"oxumağa maraqlı kitab axtarıram"dediyim dönəmdə araşdırıb tapmışdı.Burdan ona gözəl tövsiyyəsi üçün təşəkkür edirəm:)Düzünü desəm maraqsız kitab olduğunu düşünürdüm,sırf vaxt keçirmək məqsədilə oxumağa başlamışdım.Lakin irəlilədikcə kitab o qədər axıcı,maraqlı,təsirli olmağa başladı ki,əvvəl ki,düşüncələrimdən peşmanlıq duydum.Əsmərlə,Həmidin hisslərini,münasibətlərini yazar çox gözəl şəkildə təsvir edib.Oxuduqca özümdən həm Həmiddə,həm də Əsmərdə bir parça tapdım.Hər iki obrazla da müəyyən oxşarlıqlarımızın olduğunun fərqinə vardım.Bəlkə də həyatda bir çox insan Əsmər kimi,sevgisini dilə gətirməyə,hətta sevməyə belə gecikmişdir.Necə də ağırdır insanın sevməyə,sevilməyə,yaşamağa,öz xoşbəxtliyinə gecikməsi.Arzu edərdim ki,heç kəs ürəyində saxlayıb,deyə bilmədiyi hisslərinin qurbanı olmasın..
“Bilmirəm dostumsan, yoxsa sevgilim”
Hər zaman az oxunan, kütləvi maraqdan bir az kənarda qalan kitablar diqqətimi çəkib. İlqar Rəsulun "Getmə" romanına da bu maraqla başladım. Düzünü desəm, ilk 100 səhifədə davam etməyə çox çətinlik çəkdim. Həmidin o daxili susqunluğu, hadisələrin sanki yerində sayması məni sıxırdı. Etiraf etməliyəm ki, hadisələr həddindən artıq ləng idi və bu, oxucunu həqiqətən yora bilər.
Romanın qəhrəmanı Həmid, bəlkə də ətrafımızda hər gün gördüyümüz, amma heç vaxt daxilinə boylanmadığımız o "yaxşı adamlardan" biridir. Müəllif sanki bir insanın səbrinin harda bitdiyini, "yaxşılıq" dediyimiz o ali duyğunun necə bir mənəvi yükə çevrildiyini bizə göstərmək istəyib. Həmidin ailəsi ilə olan soyuqluğu, Əsmərlə olan o qəribə, bitmək bilməyən daxili savaşı oxucunu bir nöqtədən sonra tamamilə özünə çəkir.
Kitabın sonu isə mənim üçün tam bir sarsıntı oldu. O qədər "getmə" deməyimizə baxmayaraq, o qatarın Biləcəri stansiyasından yola düşməsi sadəcə bir ayrılıq deyil, bir insanın bu dünyaya olan sonuncu etirazı idi.
"İçindən qatar keçən roman" ifadəsi boşuna deyilmiş. Kitabı bitirəndə sanki o qatar sənin də ruhundan keçib gedir. İlqar Rəsul bizə göstərdi ki, bəzən ən böyük gedişlər səssiz-səmirsiz, heç kimə xəbər etmədən baş verir.
Düzünü desəm, bu kitabı oxumağa başlayanda çox sıxılmışdım və maraqsız olduğunu düşünürdüm. Amma başladığım işi yarımçıq buraxmaq xarakterimə zidd olduğu üçün oxumağa davam etdim. Nəticədə isə gözlənilməz bir sonluqla qarşılaşdım. Həqiqətən də oxumağa dəyər dediyim kitablar siyahısına əlavə edəcəyim bir kitab oldu. Sonda qovuşmaq olmasa da, sevginin həqiqətən mövcud olduğunu insanın qəlbinə hiss etdirən bir əsər idi
İlqar Rəsul
İlqar Rəsul
"Ən yaxşı kitab sənin qəlbini vərəqləyən kitabdır" demişdi, Əbu Turxan. Sevdiyim kitablar sırasına bir kitab da əlavə edildi. Bir dostumun tövsiyyəsi ilə zövqlə oxudugum, hər kəsin sətirlər arasında mütləq özü haqqında çox şey tapacağı kitab oldu. Bu, çox dəyərli hissdir. Bəzən bir kitab, bir obraz insana özünü daha yaxşı başa düşməyə kömək edir. Elə bil ki, tək deyilsən, sənin düşündüklərini, hiss etdiklərini anlayan biri var.
Bir dagınıq kitab rəfi kimi təsəvvür edilsə düşüncələr, Getmə'ni oxuduqca hər kitab öz yerini tapdı bu rəfdə.. "Getmə" - insanın daxili dünyasını, hisslərini, həyatın sərt reallıqlarını dərinliklə əks etdirir. Kitabda sevgi, itkilər, insan münasibətləri və həyatın mənası üzərində düşündürən çox güclü fikirlər var. Belə kitablar insanı dərin düşüncələrə aparır, bəzən gözlərimizi gerçəyə daha açıq şəkildə baxmağa vadar edir.
Müəllif insan talelərinin çətinliklərini, həyatın gözlənilməz üzünü çox təsirli şəkildə qələmə alıb. Xüsusilə, Həmidin dünyaya baxışı bunu açıq göstərir..
Həmidin öz içində apardığı mübarizə romanın əsas xəttini təşkil edir. O, həm insanları, həm özünü, həm də həyatı dərk etməyə çalışır.. Onun yaşadıqları, hiss etdikləri çox real və dərin idi. Elə bir obrazdır ki, insanın qəlbinə toxunur. O, insanların dərdini öz üzərinə götürən, başqalarının acısını içində daşıyan biridir. Onun dünyaya baxışı reallığın soyuqluğunu açıq şəkildə göstərir. O, sevgi və həyat haqqında çox düşündüyü üçün bəzən ağır emosional yüklənmə yaşayır. Həmidin ən güclü cəhəti onun həqiqət axtarışıdır.. Romanda olan Əsmər obrazı isə, Həmidin həyatında xüsusi yer tutur. Əsmər obrazı. O, sadəcə bir qadın obrazı deyil, həm də Həmidin içindəki duyğuların, keçmişin və arzuların bir simvoludur. O,Həmid üçün həm sevginin, həm də ağrının təcəssümüdür.
Getmək fikri
Salam herkese . Oxuduğum bəlkə də ən gözəl kitab ola bilər .
Kitabın Əsas ilk obrazı Həmid adlı şəxsdi . Həmid ortaboylu, sağlam cüssəli, saçlarına dən düşmüş, eynəkli daima nəsə düşünən qəlbi təmiz çox yaxşı bir insandı .
O qədər yaxşı insan idi ki, hamıdan əziyyət çəkirdi, Evdəki çoldəki yaxından tanişdan . Gənc vaxtı Sara adlı xanımla sevib evlenmisdi, bir oğlu və qızı vardı . Onlar da bilirdilər ki ne etseler Həmid onlara söz deməz . İşdəkilərdə ne etseler bilirdilər ki Həmid onlara heçne demez. Ama Həmid hamının ondan sui istifadə etdiyi bilirdi . Vaxt keçirken yoldaşı Sara da etdiyi Həmiidn başına qaxirdi oda bunlardan çox yorulmuşdu. Onun içində hansı sellərin hansı yanğınların tüğyan etdiyindən heç kimin xəbəri yox idi . Daha sonra Həmid Əsmər adlı xanımla tanış olur , ancaq o xanımı sevir bir biriləri sevselerde Əsmər heçvaxt bunu dilə gətirmir delisovlugu höcətliyi dözülməz halları Həmidi özünden uzaq salır . Və beləliklə Həmid herkesi Əsmər daxil terk edib gedir səssizcə. Əsmər Həmidi çox axtarsada tapanmir , ondan sora aile həyatı qurur 7 il sora qatarda qarşılaşırlar ancaq gec olur hərşey . Həmid öz həyatı deyismis Alik adıyla həyatına devam edir Əsmər o olduğu sübut edenmir və beləliklə Həmid xəstəlikdən vəfat edir Əsmər bu olan heqiqletleri ən sonda öyrənir . Çox danışardım ama qısa danışıb sizə buraxmaq istədim. Sadece bu kitabdan bir şey anladım sevdiyiniz insana vaxtında deyin sevdiyinizi vaxt sizi ayırmadan anı yaşayın . Yoxsa bir ömür o sevgi qəlbinizdə sağalmaz yara kimi qalacaq Əsmər kimi . Xoş oxumalar hərkəsə.
Yazar Hakkında
İlqar RəsulYazar · 1 kitap
İlqar Rəsul 1966-cı il oktyabrın 11-də Ağdam şəhərində ziyalı ailəsində doğulub. 1984-cü ildə Ağdam şəhər 3 saylı orta məktəbi əla qiymətlərlə bitirib. 1989-cu ildə Ağdam Kənd Təsərrüfatının Mexanikləşdirilməsi və Elektrikləşdirilməsi texnikumunun mexanika fakültəsini fərqlənmə diplomu ilə bitirib. 1998-ci ildə M.Ə. Rəsulzadə adına Bakı Dövlət Universitetinin jurnalistika fakültəsini fərqlənmə diplomu ilə bitirib. 2000-ci ildə həmin fakültənin magistratura pilləsini bitirib. 1995-ci ildən başlayaraq ölkənin tanınmış mətbuat orqanlarında müxtəlif vəzifələrdə çalışıb.
